2025 jyldyń 28 tamyzynda Ál-Farabı atyndaǵy Qazaq ulttyq ýnıversıtetinde BASF Mining Solutions tehnıkalyq servıs zerthanasynyń ashylý saltanaty ótedi. Bul joba – Ortalyq Azıanyń taý-ken-metallýrgıalyq salasyn damytýǵa baǵyttalǵan birlesken ǵylymı bastama,- dep habarlaıdy Dalanews.kz

Jańa zerthana rýdalardy zeıindi baıytý men gıdrometallýrgıa salasynda qoldanbaly zertteýler júrgizýge, sondaı-aq BASF reagentterin paıdalana otyryp tıimdi tehnologıalyq sheshimderdi izdeýge múmkindik bermek.

İs-sharaǵa BASF kompanıasynyń EMEA jáne Ortalyq Azıa aımaǵy boıynsha aımaqtyq bıznes-dırektory Mıljana Speısık, QazUÝ Basqarma Tóraǵasy – Rektory Janseıit Túımebaev, taý-ken ónerkásibi sheshimderi baǵytyndaǵy Bas dırektor Rostıslav Kamkın, sondaı-aq salanyń klıentteri, seriktesteri men bıznes-qaýymdastyq ókilderi qatysady dep kútilýde.

Joba aıasynda jańa zerthana Ortalyq Azıadaǵy taý-ken salasynyń ǵylymı-ınnovasıalyq damýyna serpin berip, ýnıversıtet pen bıznes arasyndaǵy áriptestikti nyǵaıtýǵa baǵyttalady.

Ótetin orny: Ál-Farabı atyndaǵy QazUÝ-dyń BASF Mining Solutions tehnıkalyq servıs zerthanasy, FARABI HUB, Ál-Farabı, 71 k20