Qyzylorda oblysynyń memlekettik satyp alý basqarmasy aldymen merdigerdi «ádiletsiz qatysýshy» dep tanyp, artynsha oǵan tenderdi bergen. Bul týraly Joǵarǵy sot málimdedi, dep habarlaidy Dalanews.kz.
Shieli aýdanyndaǵy bir mektepke ashanany uiymdastyratyn jetkizýshi izdestirilgen. Baiqaýǵa qatysqan jeke kásipkerdiń ótinimi eńbek resýrstary jetkiliksiz degen sebeppen qabyldanbaǵan. Alaida kásipker konkýrs qujattaryna sai tórt aspaz ben taǵy tórt qyzmetkeri bar ekenin rastaityn qujattardy usynǵan.
Kásipker oblystyq memlekettik satyp alý basqarmasyn sotqa bergen. Sot protsesi kezinde baiqaýda jeńimpaz atanǵan JShS-niń buǵan deiin memlekettik satyp alýǵa qatysý quqyǵynan aiyrylǵany belgili boldy.
“Bul sheshim qorytyndy hattamaǵa qol qoiylǵanǵa bir apta qalǵanda zańdy kúshine engen. Aita keterligi, ol isti qozǵaǵan da osy memlekettik satyp alý basqarmasynyń ózi… Sot jeke kásipkerdiń ótinimin qabyldamaý zańsyz dep tapty”, – delingen habarlamada.
Nátijesinde mektep pen JShS arasyndaǵy memlekettik satyp alý sharty jaramsyz dep tanyldy. Sot óńir ákimine tiisti sharalar qabyldaý týraly jeke uiǵarym joldady.
