Abai oblysynda 2025-2026 jańa oqý jylyna daiyndyq keshendi túrde júrgizilýde. Bul týraly Óńirlik kommýnikatsiialar qyzmeti alańynda Abai oblysy bilim basqarmasy basshysynyń orynbasary Dáýlet Iliiasov málimdedi,- dep habarlaidy Dalanews.kz
Onyń aitýynsha, óńir jańa oqý jylyn jańartylǵan mektepter, jańa kabinetter, tolyq qaýipsizdik jáne jylytýǵa daiyndyqpen qarsy alady. Oblysta úsh aýysymdy mektep joq.
«Renovatsiia» baǵdarlamasy aiasynda 2025-2027 jyldary 75 mektep kezeń-kezeńimen jańǵyrtylady. Biyldyń ózinde 8 mektep tolyq jóndeýden ótip, jańa oqý jylyna deiin daiyn bolady. Onyń ishinde Semei qalasyndaǵy №32 orta mektep, Jańasemei aýdanyndaǵy Túrksib jáne Prirechnoe mektepteri, Aiagózdegi №7 orta mektep pen Q.Qadyrjanov atyndaǵy mektep, Besqaraǵaidaǵy Glýhovka mektebi, Úrjar aýdanyndaǵy B.Momyshuly mektebi bar. Jóndeý jumystarynyń basym bóligi 1 qyrkúiekke deiin aiaqtalmaq.
Sonymen birge «Keleshek mektepteri» ulttyq jobasy aiasynda eki jańa mektep oqýshylardy qabyldaýǵa daiyn. Semei qalasy Vodnyi kentindegi mektep 1 qyrkúiekte ashylady. Aiagóz qalasyndaǵy 600 oryndyq jańa mektep 2-toqsanda paidalanýǵa berilmek. Buǵan qosa Semeidiń Shyǵys Oń kentinde 300 oryndyq mekteptiń qurylysy jalǵasýda.
Jalpy oblystaǵy 8200 oryn tapshylyǵynyń 31 paiyzy osy jobamen salynyp jatqan 5 mektep esebinen sheshilmek. Qalǵan tapshylyqty joiý úshin respýblikalyq biýdjet esebinen aldaǵy úsh jylda 11 mektep salý josparlanǵan.
Apatty jaǵdaida dep tanylǵan úsh mekteptiń máselesi de kezeń-kezeńimen sheshilip keledi. Jarma aýdanynda 100 oryndyq jańa mekteptiń qurylysy bastaldy. Aqsýat aýdanyndaǵy Ekpin aýylynda 300 oryndyq mekteptiń jobalyq qujattamasy saraptamaǵa jiberildi. Semeidegi №11 mekteptiń ornyna jańa mektep salýǵa qujat ázirlenip jatyr.
Infraqurylymdy jaqsartý maqsatynda biyl 12 mektepke kúrdeli jóndeýge 2 mlrd 900 mln teńge bólindi, onyń beseýi «Aýyl – el besigi» baǵdarlamasy aiasynda. Budan bólek 174 mektepte aǵymdaǵy jóndeý jumystary júrgizildi.
Oqý sapasyn kóterý úshin 75 mektepke 130 jańa oqý kabineti satyp alyndy (fizika – 17, himiia – 20, biologiia – 22, STEM – 20, robototehnika – 10, basqa baǵyttar – 41). Barlyq mektep 100 paiyz beinebaqylaý kameralarymen jabdyqtalyp, jedel basqarý ortalyqtaryna qosylǵan.
