Almatyda qalanyń Jastar saiasaty basqarmasynyń qoldaýymen júzege asyrylyp jatqan «Jas Camp» jastar lageri jumysyn bastady,- dep habarlaidy Dalanews.kz
Biyl lagerge 100 qatysýshy iriktelip alyndy. Olardyń qatarynda stýdentter, komiýniti ortalyqtarynyń rezidentteri, eriktiler, jastardyń ekologiialyq qozǵalystarynyń ókilderi jáne NEET sanatyndaǵy jastar bar.
Bes kún ishinde olar kóshbasshylyq daǵdylaryn damytady jáne áleýmettik jobalar jasaýdy úirenedi.
Lager baǵdarlamasy óte tartymdy, munda treningterge, sheberlik synyptaryna, fasilitatsiialyq sessiialarǵa, vorkshoptarǵa jáne túrli mádeni is-sharalarǵa qatysýǵa bolady. Tálimgerler men sarapshylar arasynda tanymal jattyqtyrýshylar Ashat Ábjanov, Kamilla Ákimbekova, Janel Sarieva, Dana Shaiahmet jáne basqalary bar.
«Jas Camp-bul jai ǵana bilim berý alańy emes, jastardy ózderiniń sheshimderi men áreketteri úshin jaýapkershilikke úiretetin keńistik. Jobaǵa qatysýshylar kún saiyn komandalyq túrli jattyǵýlarǵa qatysady,qoǵamdaǵy jeke róldiń mánin túsinedi, qaladaǵy qundylyqtardyń mańyzy jáne bolashaq týraly pikir talastyrady. Munda ekologiialyq mádeniet pen jastardyń damýyna erekshe kóńil bólinýde», - dedi Almaty qalasy Jastar saiasaty basqarmasynyń basshysy Áziz Kájdenbek.
Uiymdastyrýshylar atap ótkendei, ár qatysýshynyń rýhani ósýi, kóshbasshylyq qasietterdi igerýi olardyń aldǵy bolashaǵyna tyń serpin beredi. Jastar jaýapkershilikti óz moinyna alýǵa, bolashaq týraly oilanýǵa, ekologiialyq taza ári qaýipsiz qoǵam qurýǵa umtylady.
