Qazaqstanda azamattyq alý nemese qaita qalpyna keltirý úshin tapsyrylatyn emtihan talaptaryna ózgerister engizildi. Bul týraly Ǵylym jáne joǵary bilim ministriniń jańartylǵan buiryǵynda kórsetilgen, dep habarlaidy Dalanews.kz.
Atap aitqanda, azamattyq alý úshin mindetti úsh pán boiynsha shekti balldar tómendetildi nemese ózgertildi:
-
Qazaq tili boiynsha eń tómengi shekti ball burynǵy 36 baldyń ornyna 15 ball bolyp belgilendi;
-
Qazaqstan Konstitýtsiiasy boiynsha kerisinshe, talap kúsheiip, shekti ball 9-dan 20 balǵa deiin kóterildi;
-
Qazaqstan tarihy páninen talap ózgerissiz qaldy — 15 baldan tómen bolmaýy tiis.
Jańartylǵan talaptar shetel azamattaryna Qazaqstan Respýblikasynyń azamattyǵyn alý nemese ony qalpyna keltirý úderisin jeńildetedi.
Aita keteiik, bul ózgeristerdi qamtityn buiryqtyń jobasy 2025 jyldyń shilde aiynda "Ashyq NQA" portalynda qoǵamdyq talqylaýǵa usynylǵan bolatyn.
