قازاقستاندا ازاماتتىق الۋ نەمەسە قايتا قالپىنا كەلتىرۋ ءۇشىن تاپسىرىلاتىن ەمتيحان تالاپتارىنا وزگەرىستەر ەنگىزىلدى. بۇل تۋرالى عىلىم جانە جوعارى ءبىلىم ءمينيسترىنىڭ جاڭارتىلعان بۇيرىعىندا كورسەتىلگەن، دەپ حابارلايدى Dalanews.kz.

اتاپ ايتقاندا، ازاماتتىق الۋ ءۇشىن مىندەتتى ءۇش ءپان بويىنشا شەكتى باللدار تومەندەتىلدى نەمەسە وزگەرتىلدى:

• قازاق ءتىلى بويىنشا ەڭ تومەنگى شەكتى بالل بۇرىنعى 36 بالدىڭ ورنىنا 15 بالل بولىپ بەلگىلەندى؛

• قازاقستان كونستيتۋسياسى بويىنشا كەرىسىنشە، تالاپ كۇشەيىپ، شەكتى بالل 9-دان 20 بالعا دەيىن كوتەرىلدى؛

• قازاقستان تاريحى پانىنەن تالاپ وزگەرىسسىز قالدى — 15 بالدان تومەن بولماۋى ءتيىس.

جاڭارتىلعان تالاپتار شەتەل ازاماتتارىنا قازاقستان رەسپۋبليكاسىنىڭ ازاماتتىعىن الۋ نەمەسە ونى قالپىنا كەلتىرۋ ۇدەرىسىن جەڭىلدەتەدى.

ايتا كەتەيىك، بۇل وزگەرىستەردى قامتيتىن بۇيرىقتىڭ جوباسى 2025 جىلدىڭ شىلدە ايىندا "اشىق نقا" پورتالىندا قوعامدىق تالقىلاۋعا ۇسىنىلعان بولاتىن.