Almaty qalasynyń ákimi Darhan Satybaldy «Qairat» fýtbol klýbyn tarihi jetistigimen – ÝEFA Chempiondar ligasynyń negizgi kezeńine joldama alýymen shyn júrekten quttyqtady,- dep habarlaidy Dalanews.kz
Ákimniń aitýynsha, almatylyq komanda joǵary sheberligin, rýhynyń myqtylyǵyn kórsetip, jankúierlerine zor qýanysh syilady jáne kúlli eldiń maqtanyshyna ainaldy.
«Klýbqa aldaǵy ýaqytta da jeńister tileimin, Eýropa arenasynda sátti óner kórsetsin! Almatyda jańa zamanaýi stadionnyń salynýy búkil qazaqstandyq fýtboldyń damýyna úlken serpin beretinine senimdimin. Jeńis qutty bolsyn!», – dedi Darhan Satybaldy.
Eske salaiyq, Almatyda halyqaralyq deńgeidegi jańa fýtbol stadionyn salý josparlanyp otyr. Jobalaýshylardyń málimetinshe, stadion 35 myń kórermenge eseptelip, ÝEFA-nyń 4-sanat talaptaryna sai bolady. Jobada jattyǵý bazalary, jankúierlerge arnalǵan demalys aimaqtary, zamanaýi qaýipsizdik júiesi jáne irgeles aýmaqty abattandyrý qarastyrylǵan.
