Shymkentte túrmede ekstremizmdi nasihattap, jiyn ótkizip júrgen sottalýshy jazalandy, dep habarlaidy Dalanews.kz.
Shymkent qalasynyń qylmystyq ister jónindegi aýdanaralyq sotynda sottalýshy A.-ǵa qatysty qylmystyq is qaraldy.
Taǵylǵan aiyp:
Sottalýshy A.-ǵa QK-niń 259-baby 1-bóligimen /ekstremistik áreketterin uiymdastyrý maqsatynda azǵyryp kóndirý/ aiyp taǵylǵan.
Isti qaraý nátijesimen anyqtalǵany:
A. 2025 jyldyń sáýir men mamyr aiy aralyǵynda Shymkent qalasy boiynsha departamenti No54 túzeý mekemesiniń aýmaǵynda jasyryn jiyndar jasap, «H...» ekstremistik uiymynyń kózqarastaryna jatatyn radikaldy jazbalardy oqyp berip, jiynǵa qatysýshylardy ekstremistik áreketterin uiymdastyrý maqsatynda azǵyryp kóndirgen.
Sottalýshynyń kinási dáleldenedi:
Sottalýshynyń taǵylǵan aiyp boiynsha kinási is boiynsha jinaqtalǵan qujattarmen dáleldenedi.
Taraptardyń ustanymy:
Prokýror sottalýshyǵa bas bostandyǵynan aiyrý jazasyn taǵaiyndaýdy surady.
Sottalýshy kinásyn moiyndap, ózine jeńil jaza surady.
Jaza bóliginde:
Sot, jaza taǵaiyndaý barysynda sottalýshynyń qylmystyq jaýapkershiligi men jazasyn jeńildetetin mán-jailar retinde asyraýynda 5 jasóspirim balalary bolýyn, al aýyrlatatyn mán-jailarǵa qylmystardyń qaitalanýyn jasaǵanyn jatqyzǵan.
Sot, A.-ny QK-niń 259-baby 1-bóligimen qylmystyq quqyq buzýshylyqty jasaǵany boiynsha kináli dep tanyp, QK-niń 60-baby 1,4-bólikterin qoldanyp túpkilikti 8 jyl 6 aiǵa bas bostandyǵynan aiyrý jazasyn taǵaiyndady.
Úkim zańdy kúshine engen joq.
