شىمكەنتتە تۇرمەدە ەكسترەميزمدى ناسيحاتتاپ، جيىن وتكىزىپ جۇرگەن سوتتالۋشى جازالاندى، دەپ حابارلايدى Dalanews.kz.

شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىندا سوتتالۋشى ا.-عا  قاتىستى قىلمىستىق ءىس قارالدى.

تاعىلعان ايىپ:

سوتتالۋشى ا.-عا قك-نىڭ 259-بابى 1-بولىگىمەن /ەكسترەميستىك ارەكەتتەرىن ۇيىمداستىرۋ ماقساتىندا ازعىرىپ كوندىرۋ/ ايىپ تاعىلعان.

ءىستى قاراۋ ناتيجەسىمەن انىقتالعانى:

ا. 2025 جىلدىڭ ءساۋىر مەن مامىر ايى ارالىعىندا شىمكەنت قالاسى بويىنشا دەپارتامەنتى No54 تۇزەۋ مەكەمەسىنىڭ اۋماعىندا جاسىرىن جيىندار جاساپ، «ح...» ەكسترەميستىك ۇيىمىنىڭ كوزقاراستارىنا جاتاتىن راديكالدى جازبالاردى وقىپ بەرىپ، جيىنعا قاتىسۋشىلاردى ەكسترەميستىك ارەكەتتەرىن ۇيىمداستىرۋ ماقساتىندا ازعىرىپ كوندىرگەن.

سوتتالۋشىنىڭ كىناسى دالەلدەنەدى:

سوتتالۋشىنىڭ تاعىلعان ايىپ بويىنشا كىناسى ءىس بويىنشا جيناقتالعان قۇجاتتارمەن دالەلدەنەدى.

تاراپتاردىڭ ۇستانىمى:

پروكۋرور سوتتالۋشىعا باس بوستاندىعىنان ايىرۋ جازاسىن تاعايىنداۋدى سۇرادى.

سوتتالۋشى كىناسىن مويىنداپ، وزىنە جەڭىل جازا سۇرادى.

جازا بولىگىندە:

سوت، جازا تاعايىنداۋ بارىسىندا سوتتالۋشىنىڭ قىلمىستىق جاۋاپكەرشىلىگى مەن جازاسىن جەڭىلدەتەتىن ءمان-جايلار رەتىندە اسىراۋىندا 5 ءجاسوسپىرىم بالالارى بولۋىن، ال اۋىرلاتاتىن ءمان-جايلارعا قىلمىستاردىڭ قايتالانۋىن جاساعانىن جاتقىزعان.

سوت، ا.-نى قك-نىڭ 259-بابى 1-بولىگىمەن قىلمىستىق قۇقىق بۇزۋشىلىقتى جاساعانى بويىنشا كىنالى دەپ تانىپ، قك-نىڭ 60-بابى 1،4-بولىكتەرىن قولدانىپ تۇپكىلىكتى 8 جىل 6 ايعا باس بوستاندىعىنان ايىرۋ جازاسىن تاعايىندادى.

ۇكىم زاڭدى كۇشىنە ەنگەن جوق.