پرەزيدەنت قاسىم-جومارت توقاەۆ جاساندى ينتەللەكتٸنٸ قاۋٸپسٸز ەرٸ جاۋاپكەرشٸلٸكپەن دامىتۋعا باعىتتالعان «ۆاشينگتون مودەلٸن» حالىقارالىق دەڭگەيدە قولدانۋعا بولاتىن ٷلگٸ رەتٸندە قاراستىرۋدى ۇسىندى, دەپ حابارلايدى dalanews.kz.
مەملەكەت باسشىسى بۇل تۋرالى بٷگٸن استانادا ٶتكەن جاساندى ينتەللەكتٸنٸ دامىتۋ جٶنٸندەگٸ كەڭەستٸڭ وتىرىسىندا ايتتى.
توقاەۆتىڭ ايتۋىنشا, جاساندى ينتەللەكتٸگە بايلانىستى قاۋٸپ-قاتەرلەر ۇلتتىق شەكارامەن شەكتەلمەيدٸ. سوندىقتان بۇل سالادا مەملەكەتتەر مەن بيزنەس اراسىنداعى ٷيلەسٸمدٸ ەرەكەت قاجەت.
«دەر كەزٸندە كٶتەرٸلگەن وسى ماڭىزدى باستامانى قۇپتايمىن. جاساندى ينتەللەكتٸگە قاتىستى قاۋٸپ-قاتەرلەر ەشقانداي شەكاراعا باعىنبايتىنىن بەرٸ تٷسٸنەدٸ. سوندىقتان مەملەكەتتەر مەن بيزنەس قاۋىمداستىق تاراپىنان ٷيلەسٸمدٸ ەرەكەت قاجەت», – دەدٸ پرەزيدەنت.
مەملەكەت باسشىسى ۆاشينگتوندا جاسالعان كەلٸسٸمدٸ حالىقارالىق دەڭگەيدە زەردەلەپ, ونى جاساندى ينتەللەكتٸنٸ رەتتەۋدٸڭ ىقتيمال مودەلٸ رەتٸندە قاراستىرۋعا بولاتىنىن اتاپ ٶتتٸ.
«ۆاشينگتوندا قول قويىلعان كەلٸسٸمدٸ ساراپشىلار مۇقييات زەردەلەگەن سوڭ مٷددەلٸ مەملەكەتتەر جاساندى ينتەللەكت سالاسىن جاھاندىق دەڭگەيدە رەتتەيتٸن ٷلگٸ رەتٸندە قاراستىرۋىنا بولادى. «ۆاشينگتون مودەلٸ» بۇۇ اياسىنداعى حالىقارالىق كەلٸسٸمگە نەگٸز بولۋعا لايىق دەپ ويلايمىن», – دەدٸ قاسىم-جومارت توقاەۆ.
پرەزيدەنت قازاقستاننىڭ جاساندى ينتەللەكتٸنٸ قاۋٸپسٸز ەرٸ جاۋاپكەرشٸلٸكپەن دامىتۋ ۇستانىمىن قولدايتىنىن اتاپ ٶتتٸ. سونىمەن قاتار ەلٸمٸز حالىقارالىق ديالوگ جٷرگٸزۋگە الاڭ ۇسىنۋعا دايىن ەكەنٸن ايتتى.
«قازاقستان جاساندى ينتەللەكتٸنٸ قاۋٸپسٸز ەرٸ جاۋاپكەرشٸلٸكپەن دامىتۋدى قولدايدى. وسى ورايدا, اتالعان مەسەلە بويىنشا سىندارلى حالىقارالىق ديالوگ جٷرگٸزۋگە الاڭ ۇسىنا الامىز. كەڭەس ٸس جٷزٸندە ماڭىزدى ەكەنٸن كٶرسەتتٸ. سوندىقتان كەڭەس مٷشەلەرٸنەن قىسقا مەرزٸم ٸشٸندە قازاقستاننىڭ وسى سالاعا قاتىستى حالىقارالىق باستاماسىنا ناقتى ۇسىنىس بەرۋدٸ سۇرايمىن», – دەدٸ مەملەكەت باسشىسى.
توقاەۆ قازاقستاننىڭ ورتاق ۇستانىمى بيىل جەلتوقساندا ماياميدە ٶتەتٸن G20 سامميتٸندە تانىستىرىلاتىنىن جەتكٸزدٸ.
