قازاقستان سىرتقى ٸستەر مينيسترلٸگٸ رەسەيگە جۇمىسقا بارىپ, كەيٸن ۋكرايناداعى سوعىسقا جٸبەرٸلگەنٸن ايتقان قازاقستاندىقتاردى ەلگە قايتارۋ مەسەلەسٸن قولعا الدى, دەپ حابارلايدى dalanews.kz.
ۆەدومستۆو رەسەي تاراپىمەن كونسۋلتاتسييالاردى جالعاستىرىپ, ازاماتتاردىڭ تۋىستارىنان اقپارات جيناۋ ٷشٸن ارنايى جەدەل جەلٸ ٸسكە قوسىلعانىن مەلٸمدەدٸ.
سٸم بۇل مەسەلەگە قاتىستى اقپاراتتىڭ بۇقارالىق اقپارات قۇرالدارىندا تارالۋىنا بايلانىستى تٷسٸنٸكتەمە بەردٸ. مينيسترلٸك قازاقستان ازاماتتارىنىڭ شەتەلدەگٸ قۇقىقتارى مەن زاڭدى مٷددەلەرٸن قورعاۋ ۆەدومستۆو جۇمىسىنىڭ سٶزسٸز باسىمدىعى ەكەنٸن اتاپ ٶتتٸ.
ۆەدومستۆونىڭ مەلٸمەتٸنشە, قازاقستان بۇعان دەيٸن دە سوعىس قيمىلدارى جٷرٸپ جاتقان ايماقتاردان ازاماتتاردى ەلگە قايتارۋ بويىنشا تەجٸريبە جيناقتاعان. قازٸر مينيسترلٸك رەسەي تاراپىمەن بٸرلەسكەن شارالاردى پىسىقتاپ جاتىر.
بٷگٸن قازاقستاننىڭ سىرتقى ٸستەر مينيسترٸ رەسەيدٸڭ قازاقستانداعى ۋاقىتشا سەنٸمدٸ ٶكٸلٸمەن كەزدەستٸ. ال جاقىن ارادا قازاقستاننىڭ رەسەيدەگٸ ەلشٸسٸ رەسەي سىرتقى ٸستەر مينيسترلٸگٸ مەن قورعانىس مينيسترلٸگٸنٸڭ باسشىلىعىمەن كەزدەسۋلەر ٶتكٸزەدٸ.
سٸم سوعىس قيمىلدارى جٷرٸپ جاتقان ايماقتا بولۋى مٷمكٸن قازاقستاندىقتار تۋرالى ناقتى اقپاراتتى باق پەن ەلەۋمەتتٸك جەلٸلەردەن ەمەس, ازاماتتاردىڭ ٶزدەرٸنەن نەمەسە ولاردىڭ تۋىستارىنان تٸكەلەي الۋدىڭ ماڭىزدى ەكەنٸن ايتتى. مينيسترلٸككە ولاردىڭ اتى-جٶنٸ, تۋعان كٷنٸ, بولجامدى ورنالاسقان جەرٸ جەنە رەسەيدە جاساسقان ەڭبەك شارتىنىڭ تالاپتارى قاجەت.
وسى ماقساتتا ۆەدومستۆودا ازاماتتاردىڭ تۋىستارىنان ٶتٸنٸش قابىلدايتىن ارنايى جەدەل جەلٸ جۇمىس ٸستەپ تۇر.
بۇعان دەيٸن Dala News رەسەيگە جۇمىس ٸستەۋگە بارعان قازاقستاندىقتاردىڭ كەيٸن ۋكرايناداعى سوعىسقا جٸبەرٸلگەنٸ تۋرالى جازعان ەدٸ. ولاردىڭ ايتۋىنشا, ازاماتتارعا باستاپقىدا كٷزەت سالاسىنداعى جۇمىس ۇسىنىلعان. الايدا رەسەيگە بارعاننان كەيٸن جاعداي ٶزگەرٸپ, ەسكەري سيپاتتاعى كەلٸسٸمدەرگە قول قويۋ جەنە سوعىس ايماعىنا بارۋ تۋرالى تالاپ قويىلعان. كەيبٸر قازاقستاندىقتار باس تارتقان جاعدايدا قىسىم مەن قىلمىستىق جاۋاپكەرشٸلٸككە تارتىلۋى مٷمكٸن ەكەنٸن ايتىپ, قازاقستان بيلٸگٸنەن كٶمەك سۇراعان.
قازٸر سٸم وسى ازاماتتاردى انىقتاپ, ولاردىڭ قۇقىقتارىن قورعاۋ جەنە قازاقستانعا قايتارۋ بويىنشا رەسەي تاراپىمەن جۇمىس جٷرگٸزٸپ جاتىر.
مينيسترلٸك جٷرگٸزٸلٸپ جاتقان جۇمىستىڭ بارىسى مەن نەتيجەلەرٸ تۋرالى قوسىمشا اقپارات بەرەتٸنٸن مەلٸمدەدٸ.
