Túrkistan oblysynda «Keleshek mektepteri» jobasy aiasynda 29 bilim uiasynyń qurylysy júrgizildi. Onyń ishinde 13-i byltyr paidalanýǵa tapsyrylsa, al qalǵan 16 mektep jyl sońynda deiin paidalanýǵa beriledi dep kútilýde. Jańa oqý jyly qarsańynda óńirde «Keleshek mektepteri» jobasy aiasynda 8 jańa mekteptiń ashylýy josparlanýda. Saltanatty ashylý rásimi 1 qyrkúiek – Bilim kúnine orai ótedi,- dep habarlaidy Dalanews.kz
Oblys ákiminiń orynbasary Beisenbai Tájibaevtyń tóraǵalyǵymen ótken jinalysta jańa oqý jylyna daiyndyq jumystary pysyqtalyp, atqarylǵan jumystardyń esebi tyńdaldy. Jinalysta oblys ákiminiń orynbasary jaýapty basqarma basshylary men aýdan jáne qala ákimderiniń orynbasarlaryna birqatar mindet júktedi.
– Bilim nysandaryndaǵy qurylys jáne jóndeý jumystary ýaqytyly aiaqtalyp, ǵimarattar sapaly atqarylýy tiis. Bilim uialaryn oqýshylarmen tolyq qamtamasyz etý baǵytynda júieli jumystar atqarylsyn. Mektepterge muǵalimder men tehnikalyq qyzmetkerlerdi jumysqa qabyldaý kezinde zań talaptarynyń saqtalýyn tapsyrdy. Jańa oqý jylyna daiyndyqty jiti qadaǵalap, uiymdastyrýǵa shuǵyl kirisińizder! – dedi Beisenbai Dáýletuly.
Oblystyq bilim basqarmasy basshysynyń mindetin atqarýshy Ǵalymjan Orynov atqarylyp jatqan sharalar jóninde baiandama jasady. Onyń aitýynsha, jańa oqý jyly qarsańynda ashylatyn 8 mekteptiń 7-inde bala tolymdylyǵy 97,3 paiyzdy qurap otyr. Qazirgi tańda jańa mektepterdi pedagogtermen jáne tehnikalyq qyzmetkerlermen qamtamasyz etý jumystary júrgizilýde. Atap aitqanda, 107 tehnikalyq qyzmetker jumysqa qabyldaný ústinde.
Budan bólek oblysta jergilikti biýdjet esebinen 17 jańa bilim nysandary salynyp jatyr. 115 mektep jańǵyrtý jobasyna engen bolsa, biylǵy jyly 41 mektep renovatsiiadan ótýde. Sonymen birge, óńir biýdjeti esebinen 59 mektepte aǵymdaǵy jóndeý jumystary júrip jatyr. Jalpy biyl Túrkistan oblysynda 100 mektep jóndeýden ótýde.
Biyl oblysta 43 mekteptiń qurylysy júrgizilýde. Onyń 29-y «Keleshek mektep» ulttyq jobasy arqyly bolsa, qor esebinen 14 bilim ordasy boi kóterýde.
