تٷركٸستان وبلىسىندا «كەلەشەك مەكتەپتەرٸ» جوباسى اياسىندا 29 بٸلٸم ۇياسىنىڭ قۇرىلىسى جٷرگٸزٸلدٸ. ونىڭ ٸشٸندە 13-ٸ بىلتىر پايدالانۋعا تاپسىرىلسا, ال قالعان 16 مەكتەپ جىل سوڭىندا دەيٸن پايدالانۋعا بەرٸلەدٸ دەپ كٷتٸلۋدە. جاڭا وقۋ جىلى قارساڭىندا ٶڭٸردە «كەلەشەك مەكتەپتەرٸ» جوباسى اياسىندا 8 جاڭا مەكتەپتٸڭ اشىلۋى جوسپارلانۋدا. سالتاناتتى اشىلۋ رەسٸمٸ 1 قىركٷيەك – بٸلٸم كٷنٸنە وراي ٶتەدٸ,- دەپ حابارلايدى Dalanews.kz
وبلىس ەكٸمٸنٸڭ ورىنباسارى بەيسەنباي تەجٸباەۆتىڭ تٶراعالىعىمەن ٶتكەن جينالىستا جاڭا وقۋ جىلىنا دايىندىق جۇمىستارى پىسىقتالىپ, اتقارىلعان جۇمىستاردىڭ ەسەبٸ تىڭدالدى. جينالىستا وبلىس ەكٸمٸنٸڭ ورىنباسارى جاۋاپتى باسقارما باسشىلارى مەن اۋدان جەنە قالا ەكٸمدەرٸنٸڭ ورىنباسارلارىنا بٸرقاتار مٸندەت جٷكتەدٸ.
– بٸلٸم نىساندارىنداعى قۇرىلىس جەنە جٶندەۋ جۇمىستارى ۋاقىتىلى اياقتالىپ, عيماراتتار ساپالى اتقارىلۋى تيٸس. بٸلٸم ۇيالارىن وقۋشىلارمەن تولىق قامتاماسىز ەتۋ باعىتىندا جٷيەلٸ جۇمىستار اتقارىلسىن. مەكتەپتەرگە مۇعالٸمدەر مەن تەحنيكالىق قىزمەتكەرلەردٸ جۇمىسقا قابىلداۋ كەزٸندە زاڭ تالاپتارىنىڭ ساقتالۋىن تاپسىردى. جاڭا وقۋ جىلىنا دايىندىقتى جٸتٸ قاداعالاپ, ۇيىمداستىرۋعا شۇعىل كٸرٸسٸڭٸزدەر! – دەدٸ بەيسەنباي دەۋلەتۇلى.
وبلىستىق بٸلٸم باسقارماسى باسشىسىنىڭ مٸندەتٸن اتقارۋشى عالىمجان ورىنوۆ اتقارىلىپ جاتقان شارالار جٶنٸندە بايانداما جاسادى. ونىڭ ايتۋىنشا, جاڭا وقۋ جىلى قارساڭىندا اشىلاتىن 8 مەكتەپتٸڭ 7-ٸندە بالا تولىمدىلىعى 97,3 پايىزدى قۇراپ وتىر. قازٸرگٸ تاڭدا جاڭا مەكتەپتەردٸ پەداگوگتەرمەن جەنە تەحنيكالىق قىزمەتكەرلەرمەن قامتاماسىز ەتۋ جۇمىستارى جٷرگٸزٸلۋدە. اتاپ ايتقاندا, 107 تەحنيكالىق قىزمەتكەر جۇمىسقا قابىلدانۋ ٷستٸندە.
بۇدان بٶلەك وبلىستا جەرگٸلٸكتٸ بيۋدجەت ەسەبٸنەن 17 جاڭا بٸلٸم نىساندارى سالىنىپ جاتىر. 115 مەكتەپ جاڭعىرتۋ جوباسىنا ەنگەن بولسا, بيىلعى جىلى 41 مەكتەپ رەنوۆاتسييادان ٶتۋدە. سونىمەن بٸرگە, ٶڭٸر بيۋدجەتٸ ەسەبٸنەن 59 مەكتەپتە اعىمداعى جٶندەۋ جۇمىستارى جٷرٸپ جاتىر. جالپى بيىل تٷركٸستان وبلىسىندا 100 مەكتەپ جٶندەۋدەن ٶتۋدە.
بيىل وبلىستا 43 مەكتەپتٸڭ قۇرىلىسى جٷرگٸزٸلۋدە. ونىڭ 29-ى «كەلەشەك مەكتەپ» ۇلتتىق جوباسى ارقىلى بولسا, قور ەسەبٸنەن 14 بٸلٸم ورداسى بوي كٶتەرۋدە.
