Oralda qaladaǵy birqatar ózekti máselelerdi kóterý úshin beibit miting ótkizýdi josparlap, ákimdikke eskertý hat joldaǵan belsendiler bilikten bas tartý jaýabyn aldy, dep habarlaidy Dalanews.kz.
"Jiyn qorytyndysy boiynsha Oral qalasy ákimdiginiń 25 tamyzdaǵy qaýlysymen miting ótkizýge ruqsat berilmedi. Sizderge 30 tamyz kúni saǵat 12:00-den 15:00-ge deiin "Qazaqstannyń dańqty qyzdary"tsaiabaǵynda miting ótkizýge bolmaidy. Sonymen qatar belgilengen tártipti buzý, ruqsatsyz alańǵa shyǵý jáne beibit jinalys nemese piket uiymdastyrý QR ÁQBtK-niń 488-babynda qarastyrylǵan sharalarǵa ákeledi", – dep jaýap berdi belsendilerge Oral qalasy ishki saiasat bóliminiń basshysy Azamat Giniiatov.
Giniiatov Qazaqstan Respýblikasynyń "Beibit jinalystardy uiymdastyrý jáne ótkizý tártibi týraly" zańyndaǵy 14-baptyń 1-tarmaǵynyń 5-tarmaqshasyna silteme jasaǵan. Bul bapta beibit jinalystarǵa ruqsat bermeýge "aqparattyń tolyq berilmeýi" nemese "jinalys uiymdastyrýshysynyń nemese onyń ókiliniń qolynyń bolmaýy" sebep bola alatyny jazylǵan. Degenmen turǵyndarǵa joldanǵan resmi jaýapta naqty sebep tolyq kórsetilmegen.
Belsendiler áleýmettik jelilerde 30 tamyz kúni baǵanyń ósýin toqtatýdy, jalaqy, zeinetaqy men járdemaqyny kóterýdi jáne saiasi tutqyndardy bosatýdy talap etken beibit miting ótkizýdi josparlaǵandaryn málimdedi.
Aita keteiik, 30 tamyzda Qazaqstanda Konstitýtsiia kúni atalyp ótedi.
