Keıinge ýaqytta áleýmettik jelilerde stýdent atanbaǵan túlekterdi kósheden áskerge kúshtep alyp ketý týraly habar taraǵan edi. Ǵylym jáne joǵary bilim mınıstri Saıasat Nurbek atalǵan jaǵdaıǵa qatysty óz ustanymyn bildirdi, dep habarlaıdy Dalanews.kz.

Mınıstrdiń aıtýynsha, mundaı jaǵdaı rasymen bolǵan.

"Nazarbaev ýnıversıtetiniń bir túlegi áskerı komısarıat tarapynan shaqyrtylyp, áskerge alyndy. Bul zań talaptaryna saı júzege asty", - dep jaýap berdi ol.

Ol JOO-ǵa qabyldaý kestesiniń Qorǵanys mınıstrligi bekitken áskerı shaqyrý merzimderimen sáıkes kelmeıtinin atap ótti. Máselen, Nazarbaev ýnıversıteti stýdentterdi qabyldaý týraly buıryqty tek shilde nemese tamyz aılarynda shyǵarady. Osy ýaqyt aralyǵynda azamattyń «stýdent» mártebesi zań júzinde bekitilmegendikten, ásker qataryna shaqyrýǵa quqyq beretin negizder saqtalady.

"Biz bul máseleni sheshý úshin tıisti usynys jasadyq. JOO qabyldaý kestesin áskerı shaqyrý merzimderimen úılestirý qajet ekenin jetkizdik. Bizdiń qoldaýymyzben Nazarbaev ýnıversıteti erteńinde-aq stýdentti qabyldaý týraly buıryqty shyǵaryp, onyń mártebesin naqtylady", - dedi ol.