Ónerkásip jáne qurylys ministri Ersaiyn Naǵaspaev malaiziialyq Proton Holdings Berhad kompaniiasynyń basshylyǵymen jumys kezdesýin ótkizdi. Sondai-aq kezdesýge "Báiterek" UBH, Qazaqstannyń Damý banki jáne Ónerkásiptik damý qorynyń ókilderi qatysty, dep habarlaidy Dalanews.kz.
Kelissózderdiń negizgi taqyryby avtomobil ónerkásibin oqshaýlaý, investitsiialyq yntymaqtastyq, Qazaqstandaǵy elektr kóligin damytý jáne ilgeriletý boldy.
Ministr salanyń jetistikterimen tanystyrdy:
- 2024 jyly Qazaqstanda 134 myńnan astam jeńil avtokólik shyǵaryldy.
- Elimizde KIA, Hyundai, Chevrolet, JAC, Jetour brendteri jumys isteidi.
- 2025 jyly Almaty men Qostanaida jalpy qýattylyǵy jylyna 190 myń avtokólikke deiin jetetin eki jańa zaýytty iske qosý josparlanýda.
Proton kompaniiasy e.MAS brendimen elektromobilder shyǵarý josparymen tanystyrdy.
"Ulttyq damý institýttarynyń qatysýymen Qazaqstanda óndiristi ornalastyrý perspektivalary, jobanyń eksporttyq áleýeti men tehnologiialyq bazasy, sondai-aq ónimniń EAEO talaptaryna tehnikalyq jáne ekologiialyq sáikestigi máseleleri talqylandy", delingen ministrlik habarlamasynda.
Otyrys qorytyndysy boiynsha óndiristi oqshaýlaý jáne birlesken investitsiialyq jobalardy iske qosý boiynsha jol kartasyn daiyndaý boiynsha birlesken jumys tobyn qurý týraly sheshim qabyldandy.
