"Qazaqstan eýrobondtardyń roadshow-yna daiyndalýda, ony basyp shyǵarý shilde aiyna josparlanǵan, bul rette AQSh Federaldy rezervtik júiesiniń (FRJ) mólsherleme boiynsha sheshimin kútip otyrmyz", - dedi Qarjy ministri Mádi Takiev. Bul arada qomaqty soma týraly sóz bolyp otyr, dep habarlaidy Dalanews.kz.
"Shilde aiynda 2,5 mlrd dollardyń evrobondtaryn shyǵaramyz. Qazir osy baǵytta jumystar júrgizilip jatyr, roadshow jasaimyz, oǵan áli kirisken joqpyz, sebebi AQSh-tyń sońǵy mólsherleme boiynsha sheshimin kútip otyrmyz, sodan keiin bizdiń qandai mólsherleme boiynsha alǵa jyljitynymyz belgili bolady", - dedi Mádi Takiev Májilis dálizinde jýrnalisterge bergen suqbatynda.
Aita ketsek, 2024 jyly Qazaqstan 1,5 mlrd dollarǵa eýroobligatsiialar shyǵarǵan bolatyn. Eýrobondtardy kýpondyq mólsherlemesi 4,714%-ben 0 jyl merzimge ornalastyrdy. Baǵaly qaǵazdar London qor birjasyna jáne "Astana"halyqaralyq qarjy ortalyǵynyń birjasyna ornalastyryldy. Halyqaralyq uiymdastyrýshylar, birlesken kóshbasshy-menedjerler jáne mámileniń býkrannerleri Citi, JPMorgan, Societe Generale jáne qazaqstandyq taraptan "BCC Invest" AQ boldy.
