Malaiziianyń Proton Holdings Berhad kompaniiasy Qazaqstanda elektromobil óndiretin zaýyttar ashýdy josparlap otyr, dep habarlaidy Dalanews.kz.
Bul týraly kompaniia ókilderi Indýstriia jáne qurylys ministri Ersaiyn Naǵaspaevpen kezdesý kezinde málimdedi.
Kompaniia Qazaqstanda óndiris ornalastyryp, e.MAS brendimen elektromobilder shyǵarǵysy keledi.
Kezdesý barysynda taraptar zaýyttyń eksporttyq áleýeti men tehnologiialyq bazasyn talqylaǵanymen, naqty egjei-tegjeii ázirge belgisiz. Kelissóz qorytyndysy boiynsha aldaǵy zaýyt qurylysyna qatysty jol kartasyn ázirleý úshin jumys toby qurylatyn boldy.
Sondai-aq Ersaiyn Naǵaspaev 2026 jyly Almaty men Qostanaida jylyna 190 myń kólik shyǵarýǵa qaýqarly eki avtozaýyt ashylatynyn habarlady.
Al osy ýaqytta Qaraǵandy oblysynda qytailyq investorlar kómirden gaz óndiretin zaýyt salýǵa kirispek.
