مالايزيانىڭ Proton Holdings Berhad كومپانياسى قازاقستاندا ەلەكتروموبيل وندىرەتىن زاۋىتتار اشۋدى جوسپارلاپ وتىر، دەپ حابارلايدى Dalanews.kz.
بۇل تۋرالى كومپانيا وكىلدەرى يندۋستريا جانە قۇرىلىس ءمينيسترى ەرسايىن ناعاسپايەۆپەن كەزدەسۋ كەزىندە مالىمدەدى.
كومپانيا قازاقستاندا ءوندىرىس ورنالاستىرىپ، e.MAS برەندىمەن ەلەكتروموبيلدەر شىعارعىسى كەلەدى.
كەزدەسۋ بارىسىندا تاراپتار زاۋىتتىڭ ەكسپورتتىق الەۋەتى مەن تەحنولوگيالىق بازاسىن تالقىلاعانىمەن، ناقتى ەگجەي-تەگجەيى ازىرگە بەلگىسىز. كەلىسسوز قورىتىندىسى بويىنشا الداعى زاۋىت قۇرىلىسىنا قاتىستى جول كارتاسىن ازىرلەۋ ءۇشىن جۇمىس توبى قۇرىلاتىن بولدى.
سونداي-اق ەرسايىن ناعاسپايەۆ 2026 جىلى الماتى مەن قوستانايدا جىلىنا 190 مىڭ كولىك شىعارۋعا قاۋقارلى ەكى اۆتوزاۋىت اشىلاتىنىن حابارلادى.
ال وسى ۋاقىتتا قاراعاندى وبلىسىندا قىتايلىق ينۆەستورلار كومىردەن گاز وندىرەتىن زاۋىت سالۋعا كىرىسپەك.
