عىلىم جەنە جوعارى بٸلٸم مينيسترٸ ساياسات نۇربەك 23 جاسقا دەيٸنگٸ بالۋاندار اراسىنداعى ەلەم چەمپيوناتىندا التىن مەدال يەلەنگەن ايبەك ايتبەكوۆ پەن يۋسۋف اشراپوۆتى جەڭٸسٸمەن قۇتتىقتادى.
مينيستر ەلەۋمەتتٸك جەلٸدەگٸ پاراقشاسىندا قوس سپورتشىنىڭ جەتٸستٸگٸن قازاقستان جاستارى ٷشٸن ٷلكەن ٷلگٸ دەپ باعالادى.
اقش-تىڭ لاس-ۆەگاس قالاسىندا ٶتٸپ جاتقان ەلەم چەمپيوناتىندا ايبەك ايتبەكوۆ پەن يۋسۋف اشراپوۆ گرەك-ريم كٷرەسٸنەن التىن مەدال جەڭٸپ الدى.
ساياسات نۇربەك ايبەك ايتبەكوۆتٸڭ ەل-فارابي اتىنداعى قازاق ۇلتتىق ۋنيۆەرسيتەتٸندە, ال يۋسۋف اشراپوۆتىڭ م.ح.دۋلاتي اتىنداعى تاراز ۋنيۆەرسيتەتٸندە بٸلٸم الىپ جٷرگەنٸن اتاپ ٶتتٸ.
"اقش تٶرٸندە كٶك تۋىمىز جەلبٸرەدٸ! بٸر ەلەمدٸك دودادا ەكٸ بٸردەي بالۋانىمىز جەڭٸس تۇعىرىنىڭ ەڭ بيٸك ساتىسىنا كٶتەرٸلدٸ. يۋسۋف اشراپوۆ پەن ايبەك ايتبەكوۆ 23 جاسقا دەيٸنگٸ بالۋاندار اراسىنداعى ەلەم چەمپيوناتىندا التىن مەدال جەڭٸپ الىپ, قازاقستاننىڭ مەرەيٸن اسىردى!
ايبەك ايتبەكوۆ ەل-فارابي اتىنداعى قازاق ۇلتتىق ۋنيۆەرسيتەتٸندە بٸلٸم السا, يۋسۋف اشراپوۆ م. ح. دۋلاتي اتىنداعى تاراز ۋنيۆەرسيتەتٸنٸڭ ستۋدەنتٸ. قوس چەمپيون ەل نامىسىن ابىرويمەن قورعادى.
ماعجان جۇماباەۆتىڭ «ارىستانداي ايباتتى, جولبارىستاي قايراتتى» دەگەن جىر جولدارى وسىنداي جاستارعا ارنالعانداي. اقىننىڭ «مەن جاستارعا سەنەمٸن!» دەگەن سٶزٸ يۋسۋف پەن ايبەك سەكٸلدٸ ٶرەندەردٸڭ جەڭٸسٸمەن ٷندەسٸپ تۇر.
جەڭٸس تۇعىرىنداعى چەمپيونعا قاراپ, سپورتقا قادام باساتىن ستۋدەنتتەر كٶبەيسٸن. قازاقستاندىق جاستاردىڭ ەسٸمٸ عىلىمدا دا, بٸلٸمدە دە, سپورتتا دا تانىلا بەرسٸن!
يۋسۋف اشراپوۆ پەن ايبەك ايتبەكوۆتٸ, ولاردىڭ جاتتىقتىرۋشىلارىن جەنە جاقىندارىن ەلەم چەمپيوناتىنداعى جەڭٸستەرٸمەن شىن جٷرەكتەن قۇتتىقتايمىن!
التىن مەدالدارىڭ قۇتتى بولسىن, جٸگٸتتەر! كٶك تۋىمىزدى ەلٸ تالاي ەلەمدٸك دودادا جەلبٸرەتە بەرٸڭدەر", – دەپ جازدى مينيستر.
ايبەك ايتبەكوۆ 60 كەلٸگە دەيٸنگٸ سالماقتا توپ جارسا, يۋسۋف اشراپوۆ 72 كەلٸدە چەمپيون اتاندى.
