قازاقستاندا جاس عالىمداردىڭ عىلىمي زەرتتەۋلەرٸنە الداعى ٷش جىلدا 3 ملرد تەڭگە جۇمساۋ جوسپارلانىپ وتىر. قارجىنىڭ ەڭ كٶپ بٶلٸگٸ تەحنولوگييا مەن ٶنەركەسٸپ سالاسىنا باعىتتالادى. جوبا اياسىندا زەرتتەۋشٸلەر ٷش جىلعا 30 ملن تەڭگەگە دەيٸن گرانت الا الادى. الايدا قاراجاتتى پايدالانۋ مەن عىلىمي نەتيجەلەرگە قاتىستى بٸرقاتار تالاپ قويىلعان, دەپ حابارلايدى dalanews.kz.
قازاقستان رەسپۋبليكاسى عىلىم جەنە جوعارى بٸلٸم مينيسترلٸگٸنٸڭ عىلىم كوميتەتٸ 2027 جىلعا ارنالعان «جاس عالىم» جوباسى بويىنشا عىلىمي زەرتتەۋلەردٸ گرانتتىق قارجىلاندىرۋ كونكۋرسىنىڭ قۇجاتتاماسىن بەكٸتتٸ. ٸرگەلٸ جەنە قولدانبالى زەرتتەۋلەرگە ٷش جىل ٸشٸندە 3 ملرد تەڭگە بٶلۋ كٶزدەلگەن. جىل سايىن 1 ملرد تەڭگەدەن قاراستىرىلعان.
2026 جىلعى تامىزدا كەلٸسٸلگەن باعدارلاما دوكتورانتۋرادان كەيٸنگٸ دايارلىقتان ٶتٸپ جاتقان جاس عالىمدارعا جەكە گرانت بەرۋدٸ كٶزدەيدٸ.
جوسپار بويىنشا, 3 ملرد تەڭگەنٸڭ 1,05 ملرد تەڭگەسٸ تەحنولوگييا مەن ٶنەركەسٸپ سالاسىنا باعىتتالادى. كليمات پەن اگروٶنەركەسٸپ كەشەنٸنە 750 ملن تەڭگە, ٸرگەلٸ عىلىمعا 630 ملن تەڭگە بٶلٸنەدٸ. دەنساۋلىق پەن ٶمٸر ساپاسىن جاقسارتۋعا 390 ملن تەڭگە, قاۋٸپسٸزدٸك پەن قورعانىس سالاسىنا 180 ملن تەڭگە قاراستىرىلعان.
ەر پوستدوكتورانت قازاقستاندا ٷش جىل بويى زەرتتەۋ جٷرگٸزۋگە 30 ملن تەڭگەگە دەيٸن گرانت الا الادى. جىلدىق قارجىلاندىرۋ كٶلەمٸ 10 ملن تەڭگەدەن اسپايدى. عالىم زەرتتەۋدٸ عىلىمي كونسۋلتانتپەن بٸرگە جٷرگٸزۋگە تيٸس, قوسىمشا زەرتتەۋ توبىن تارتۋعا رۇقسات ەتٸلمەيدٸ.
گرانت قاراجاتىن ەڭبەك اقىسىنا, عىلىمي ٸسساپارلارعا, زەرتتەۋ جۇمىستارىنا, عىلىمي جارييالانىمدارعا, جابدىقتار مەن ماتەريالدار ساتىپ الۋعا, سونداي-اق جالعا الۋ شىعىندارىنا جۇمساۋعا بولادى. الايدا ەر شىعىننىڭ قاجەتتٸلٸگٸ نەگٸزدەلۋٸ كەرەك. عىلىمي كونسۋلتانتتىڭ ەڭبەكاقىسى جالپى ەڭبەك اقى قورىنىڭ 20 پايىزىنان اسپاۋعا تيٸس.
كونكۋرسقا 44 جاسقا دەيٸنگٸ قازاقستان ازاماتتارى قاتىسا الادى. ٷمٸتكەردٸڭ عىلىمي دەرەجەسٸ نەمەسە اياقتالعان دوكتورانتۋراسى بولۋى قاجەت. دوكتورانتۋرانى اياقتاعان, بٸراق ديسسەرتاتسيياسىن ەلٸ قورعاماعان قاتىسۋشىلار ونى گرانت بەرۋ تۋرالى كەلٸسٸمشارت جاسالعاننان كەيٸن بٸر جىل ٸشٸندە قورعاۋعا تيٸس.
ٷش جىلدىق زەرتتەۋ اياقتالعانشا قاتىسۋشىلار بەلگٸلەنگەن تالاپتارعا ساي عىلىمي جارييالانىمدار دايىنداۋى نەمەسە كونكۋرس شارتتارىندا كٶزدەلگەن بالاما نەتيجەنٸ ۇسىنۋى قاجەت. عىلىمي ەدەپ نورمالارىن بۇزعان نەمەسە مٸندەتتەمەلەرٸن ورىنداماعان زەرتتەۋشٸلەرگە قاتىستى شەكتەۋلەر قاراستىرىلعان. مۇنداي جاعدايلاردا ولاردىڭ عىلىمي گرانتتار كونكۋرستارىنا قاتىسۋىنا ٷش جىلعا دەيٸن تىيىم سالىنۋى مٷمكٸن.
بۇعان دەيٸن عىلىم كوميتەتٸ قازاقستاننىڭ بٸر پالاتالى پارلامەنتكە كٶشۋٸن زەرتتەۋگە ارنالعان 200 ملن تەڭگەلٸك كونكۋرس جارييالاعان. الايدا كونكۋرس ٶتپەي قالعان. ونىڭ توقتاتىلۋ سەبەپتەرٸ مەن قاراستىرىلعان قارجىنىڭ كەيٸنگٸ تاعدىرى تۋرالى اقپارات جارييالانباعان.
بۇل مەسەلە عىلىمي زەرتتەۋلەرگە بٶلٸنەتٸن بيۋدجەت قاراجاتىنىڭ جۇمسالۋىن اشىق كٶرسەتۋ قاجەتتٸگٸن دە اڭعارتادى. جاس عالىمدارعا ارنالعان جاڭا باعدارلامادا قارجىنىڭ قالاي بٶلٸنەتٸنٸمەن قاتار, زەرتتەۋلەردٸڭ نەتيجەسٸ مەن ەسەپتٸلٸگٸنە قويىلاتىن تالاپتار دا ماڭىزدى بولماق.
