Óskemen qalasyndaǵy Respýblika alańynda ornalasqan Abai Qunanbaev eskertkishinde jóndeý-restavratsiialaý jumystary bastaldy,- dep habarlaidy Dalanews.kz
Abai eskertkishi 2009 jylǵy 29 tamyzda saltanatty túrde ashylǵan. Onyń avtorlary – tanymal qazaqstandyq músinshiler Esken Serǵebaev pen Baqytjan Ábishev. Músin Qazaqstan Sýretshiler odaǵynyń Qaraǵandy filialynda daiyndalǵan.
Restavratsiialyq jumystar uly aqyn ári oishyl Abai Qunanbaevtyń 180 jyldyq mereitoiyn atap ótý aiasynda júrgizilýde. Joba oblystyq biýdjet esebinen qarjylandyrylyp otyr. Maqsat – mádeni mura nysanyn saqtaý, ony tiisti kúide ustaý, mereitoilyq sharalardy laiyqty deńgeide ótkizýge jaǵdai jasaý jáne jurtshylyqtyń Abai murasyna degen nazaryn arttyrý.
Jóndeý jumystaryn uiymdastyrýshy – Shyǵys Qazaqstan oblystyq mádeniet basqarmasynyń «Tarihi-mádeni murany qorǵaý jónindegi ShQO mekemesi» KMM. Jumysty atqaratyn merdiger – tarihi jáne mádeni eskertkishterge ǵylymi-restavratsiialyq jumystar júrgizýge litsenziiasy bar «AGM Service» JShS.
Barlyq jumystardy 2025 jylǵy 30 shildege deiin aiaqtaý josparlanyp otyr.
