Ishki ister ministri Erjan Sádenov UQK-niń burynǵy tóraǵasy Kárim Másimovtiń densaýlyǵyna qatysty qoǵamda taraǵan alyp-qashpa áńgimelerge jaýap berdi, dep habarlaidy Dalanews.kz.
Ministrdiń aitýynsha, burynǵy sheneýnik jazasyn qalypty jaǵdaida ótep jatyr. Sondai-aq ol Másimovtiń meditsinalyq esepte turǵany nemese oǵan qandai da bir meditsinalyq kómek kórsetilip jatqany jónindegi suraqqa da jaýap berdi.
"Joq. Bul aqparatty sizderge resmi túrde aityp otyrmyn", – dep jaýap berdi ol.
Aita keteiik, buǵan deiin kóktemde keibir anonimdi derekkózder Kárim Másimovtiń onkologiialyq aýrýǵa shaldyqqany jáne onyń jaǵdaiy óte aýyr ekeni týraly habar taratqan edi.
Eske salaiyq, UQK-niń eks-basshysy Kárim Másimovke Qańtar oqiǵasy boiynsha aiyp taǵylǵan edi.
Bas prokýror Berik Asylov atap ótkendei, tártipsizdikter kezinde Másimovtiń tapsyrmasy boiynsha UQK departamentteriniń jeke quramy jumys oryndaryn tastap ketken.
Tergeý "asa qupiia" belgisimen júrgizildi.
Sot Kárima Másimova QR Qylmystyq kodeksi boiynda memleketke opasyzdyq jasaý, bilikti kúshpen basyp alý, bilik pen laýazymdyq ókilettigin asyra paidalaný degen aiyptar boiynsha 18 jylǵa jaza kesti.
Sonymen 18 jyldy arqalaǵan Kárim Másimovtiń dúnie-múlki tárkilenip, ómir boiyna memlekettik qyzmet salasynda jumys isteý quqynan aiyrylǵanyn aita ketýimiz kerek!
