ىشكى ىستەر ءمينيسترى ەرجان سادەنوۆ ۇقك-نىڭ بۇرىنعى ءتوراعاسى كارىم ءماسىموۆتىڭ دەنساۋلىعىنا قاتىستى قوعامدا تاراعان الىپ-قاشپا اڭگىمەلەرگە جاۋاپ بەردى، دەپ حابارلايدى Dalanews.kz.
ءمينيستردىڭ ايتۋىنشا، بۇرىنعى شەنەۋنىك جازاسىن قالىپتى جاعدايدا وتەپ جاتىر. سونداي-اق ول ءماسىموۆتىڭ مەديسينالىق ەسەپتە تۇرعانى نەمەسە وعان قانداي دا ءبىر مەديسينالىق كومەك كورسەتىلىپ جاتقانى جونىندەگى سۇراققا دا جاۋاپ بەردى.
"جوق. بۇل اقپاراتتى سىزدەرگە رەسمي تۇردە ايتىپ وتىرمىن"، – دەپ جاۋاپ بەردى ول.
ايتا كەتەيىك، بۇعان دەيىن كوكتەمدە كەيبىر ءانونيمدى دەرەككوزدەر كارىم ءماسىموۆتىڭ ونكولوگيالىق اۋرۋعا شالدىققانى جانە ونىڭ جاعدايى وتە اۋىر ەكەنى تۋرالى حابار تاراتقان ەدى.
ەسكە سالايىق، ۇقك-نىڭ ەكس-باسشىسى كارىم ماسىموۆكە قاڭتار وقيعاسى بويىنشا ايىپ تاعىلعان ەدى.
باس پروكۋرور بەرىك اسىلوۆ اتاپ وتكەندەي، تارتىپسىزدىكتەر كەزىندە ءماسىموۆتىڭ تاپسىرماسى بويىنشا ۇقك دەپارتامەنتتەرىنىڭ جەكە قۇرامى جۇمىس ورىندارىن تاستاپ كەتكەن.
تەرگەۋ "اسا قۇپيا" بەلگىسىمەن جۇرگىزىلدى.
سوت كارىما ءماسىموۆا ق ر قىلمىستىق كودەكسى بويىندا مەملەكەتكە وپاسىزدىق جاساۋ، بيلىكتى كۇشپەن باسىپ الۋ، بيلىك پەن لاۋازىمدىق وكىلەتتىگىن اسىرا پايدالانۋ دەگەن ايىپتار بويىنشا 18 جىلعا جازا كەستى.
سونىمەن 18 جىلدى ارقالاعان كارىم ءماسىموۆتىڭ دۇنيە-مۇلكى تاركىلەنىپ، ءومىر بويىنا مەملەكەتتىك قىزمەت سالاسىندا جۇمىس ىستەۋ قۇقىنان ايىرىلعانىن ايتا كەتۋىمىز كەرەك!
