Ishki ister ministri Erjan Sádenov eks-ministr Qýandyq Bishimbaevtyń jazasyn qai túzetý mekemesinde ótep jatqanyn ashyp aitýdan bas tartty, dep habarlaidy Dalanews.kz.
"Qai koloniia, nómiri qandai, qai jerde ornalasqanyn aitpaimyn. Ol – bas bostandyǵynan aiyrylǵan adamdarǵa arnalǵan mekemede. Qazirgi ýaqytta bizdiń koloniialardyń birinde jazasyn ótep jatyr, biraq naqty qai jerde ekenin jariialamaimyn", – dedi ministr.
Ministrdiń aitýynsha, Bishimbaev basqa sottalǵandar sekildi túrli jumysqa, sonyń ishinde kamera tazalaýǵa da tartylady.
Eske salaiyq, buǵan deiin azamattyq nekedegi áieli Saltanat Núkenovany óltirdi dep aiyptalǵan Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan edi.
Qýandyq Bishimbaev eń joǵary qaýipsizdik mekemesinde jazasyn ótep jatyr.
Buǵan deiin de QAJK ókilderi koloniiada eks-ministr úshin qolaily oryn áli bos emes ekenin, sondyqtan jumysqa turmaǵanyn málimdedi.
Al 12 qarashada apelliatsiialyq alqa Qýandyq Bishimbaevty ata-ana quqyǵynan aiyrý týraly shaǵymmen onyń burynǵy áieliniń talap aryzyn qarady.
Sot málimetinshe, eks-ministr balalarynyń tegin ózgertýine qarsy bolmady, alaida ony ata-ana quqyǵynan aiyrmady.
