ىشكى ىستەر ءمينيسترى ەرجان سادەنوۆ ەكس-مينيستر قۋاندىق بيشىمبايەۆتىڭ جازاسىن قاي تۇزەتۋ مەكەمەسىندە وتەپ جاتقانىن اشىپ ايتۋدان باس تارتتى، دەپ حابارلايدى Dalanews.kz.
"قاي كولونيا، ءنومىرى قانداي، قاي جەردە ورنالاسقانىن ايتپايمىن. ول – باس بوستاندىعىنان ايىرىلعان ادامدارعا ارنالعان مەكەمەدە. قازىرگى ۋاقىتتا ءبىزدىڭ كولونيالاردىڭ بىرىندە جازاسىن وتەپ جاتىر، ءبىراق ناقتى قاي جەردە ەكەنىن جاريالامايمىن"، – دەدى مينيستر.
ءمينيستردىڭ ايتۋىنشا، بيشىمبايەۆ باسقا سوتتالعاندار سەكىلدى ءتۇرلى جۇمىسقا، سونىڭ ىشىندە كامەرا تازالاۋعا دا تارتىلادى.
ەسكە سالايىق، بۇعان دەيىن ازاماتتىق نەكەدەگى ايەلى سالتانات نۇكەنوۆانى ءولتىردى دەپ ايىپتالعان قۋاندىق بيشىمبايەۆ 24 جىلعا، ءىنىسى باقىتجان بايجانوۆ 4 جىلعا سوتتالعان ەدى.
قۋاندىق بيشىمبايەۆ ەڭ جوعارى قاۋىپسىزدىك مەكەمەسىندە جازاسىن وتەپ جاتىر.
بۇعان دەيىن دە قاجك وكىلدەرى كولونيادا ەكس-مينيستر ءۇشىن قولايلى ورىن ءالى بوس ەمەس ەكەنىن، سوندىقتان جۇمىسقا تۇرماعانىن مالىمدەدى.
ال 12 قاراشادا اپەللياسيالىق القا قۋاندىق بيشىمبايەۆتى اتا-انا قۇقىعىنان ايىرۋ تۋرالى شاعىممەن ونىڭ بۇرىنعى ايەلىنىڭ تالاپ ارىزىن قارادى.
سوت مالىمەتىنشە، ەكس-مينيستر بالالارىنىڭ تەگىن وزگەرتۋىنە قارسى بولمادى، الايدا ونى اتا-انا قۇقىعىنان ايىرمادى.
