Almatyda avtoturaq aimaqtaryndaǵy zańsyz salynǵan nysandar men jerdi zańsyz basyp alǵandardy anyqtaý jáne joiý jóninde júieli jumys jalǵasýda,- dep habarlaidy Dalanews.kz
«Almaty parking» KMK málimdegendei, iri saýda ortalyqtarynyń avtoturaqtarynda saýda nysandary esh ruqsatsyz salynǵan.
Monitoring barysynda mundai nysandarynda saýdanyń zańsyz júrgizilgeni, halyq kóp jinalatyn saýda oryndaryndaǵy avtoturaq nysandarynda adam ómirine qaýipti tóndiretin gaz ballondarynyń bolǵandyǵy anyqtaldy. Al bul kólik turaǵy keńistigin paidalaný shartyna qaishy.
Mamandandyrylǵan aýdanaralyq ekonomikalyq sottyń sheshimi negizinde «Adem» saýda ortalyǵynyń aldyndaǵy avtoturaqta ornalasqan 30 zańsyz qurylym buzyldy.
Sondai-aq, sot «Ialian» saýda ortalyǵynda osyǵan uqsas 37 saýda núktesin alyp tastaý týraly qaýly shyǵardy. Sot oryndaýshylary sheshimniń negizinde nysandy buzý jumystaryn bastady.
«Almaty parking» KMK mundai sharalar turaq aimaqtaryn zańsyz salynǵan nysandardan aryltyp, qaýipsizdikti kúsheitetinin ári avtoturaq keńistigin retke keltiretinin túsindirdi. Bul qala turǵyndary men qonaqtaryna yńǵaily.
Azamattar men biznes ókilderi avtoturaqtardy paidalaný erejesin qatań saqtaýy tiis.
