AHQO Qarjylyq qyzmetter kórsetýdi retteý komiteti (AFSA) fiattyq valiýtamen qamtamasyz etilgen steiblkoinderdi shyǵarýǵa alǵash ret litsenziia berdi. Litsenziia fiattyq steiblkoin emitenti retinde tsifrlyq aktivter salasynda tólem qyzmetterin kórsetý boiynsha retteletin qyzmetti júzege asyrý úshin AnchorX.KZ Limited kompaniiasyna berildi, dep habarlaidy Dalanews.kz.
"AFSA-nyń steiblkoinder boiynsha keshendi normativtik bazasy sheńberinde qabyldanǵan bul retteýshi sheshim Qazaqstanda tsifrlyq aktivter ekojúiesin damytýdaǵy mańyzdy qadam boldy. Bul AFSA men AHQO-nyń naqty ári turaqty retteý saiasaty arqyly innovatsiialardy qoldaýǵa degen umtylysyn kórsetedi, sonymen qatar litsenziialanǵan qatysýshylar úshin belgilengen talaptarǵa sáikes tsifrlyq qarjylyq qyzmetterdi usyný múmkindigin keńeitýge yqpal etedi. Bul bastama óńirdegi qarjy tehnologiialary men qarjy infraqurylymyn damytý jónindegi keń strategiianyń bóligi", delingen habarlamada.
Aita ketsek, osy aidyń basynda "Astana" halyqaralyq qarjy ortalyǵynyń alańynda tsifrlyq aktivter qyzmetin kórsetetin litsenziialanǵan provaiderlerdiń (kriptobirjalardyń) ámiiandaryna bailanǵan "kripto-karta" jobasyn júzege asyrý tetigi iske qosylǵan bolatyn.
