Ishki ister ministri Erjan Sádenov Reseide engiziletin jańa shekaralyq talaptarǵa bailanysty pikir bildirdi. Bul ózgeristerdi keibir BAQ "viza tártibi" dep atap úlgergen bolatyn, dep habarlaidy Dalanews.kz.
Májilis kýlýarynda jýrnalister ministrden Qazaqstan Resei azamattaryna qatysty sharalar qabyldai ma degen suraq qoidy.
"Sharalar qabyldanyp jatyr. Biz halyqaralyq tájiribege qarap otyrmyz. Eń aldymen ulttyq múddeler basym bolýy kerek", – dedi Erjan Sádenov.
Sheshim halyqaralyq tájiribe men zań aiasynda qabyldanady
Ministrdiń aitýynsha, qandai da bir sheshim qabyldanar aldynda ózge elderdiń tájiribesi men Qazaqstan zańnamasynyń talaptary eskeriledi.
"Eger sheteldik Qazaqstanǵa kelgisi kelse – marhabat, biraq elimizdiń zańdaryna sáikes barlyq talaptardy oryndaýy tiis. Sheteldik azamattyń elimizde qaýipsiz júrýi úshin barlyq jaǵdai jasalǵan. Arnaiy qosymshalar bar, olar jumys istep tur. Biz de uqsas sharalar qabyldaimyz", – dedi ministr.
Aita keteiik, buǵan deiin Resei Qazaqstanmen aradaǵy vizasyz qatynasty kúrt qiyndatqanyn jazǵan edik.
Endi jańa tártipke sáikes, 2025 jyldyń 30 maýsymynan bastap, qazaqstandyqtar Resei aýmaǵyna kirý úshin aldyn ala tirkelip, arnaiy QR-kod alýy tiis bolady. Bul ózgeris Qazaqstannan bólek, Ázerbaijan, Armeniia, Qyrǵyzstan, Tájikstan, Ózbekstan sekildi vizasyz rejim týraly kelisim jasaǵan elderdiń azamattaryna da qatysty.
Resei úkimeti qabyldaǵan qaýly boiynsha, qazaqstandyqtar endi Reseige josparlanǵan saparynan kem degende 72 saǵat buryn arnaiy qosymsha arqyly tirkeýden ótip, sapar maqsaty men merzimin, jeke derekterin, sondai-aq fotosýretterin usynýy qajet. Tótenshe jaǵdaida (jaqyn týysynyń aýyr syrqaty nemese qaitys bolýy) bul merzim jolǵa shyǵarǵa deiingi tórt saǵat buryn ýaqytqa deiin qysqartylady.
Jańa tártipke sáikes, tirkelý "Memlekettik qyzmetter RuID" atty mobildi qosymshasy arqyly júzege asyrylmaq. Degenmen reseilik aqparat quraldarynyń dereginshe, atalǵan qosymsha ázirge daiyn emes. Sarapshylardyń paiymynsha, bul qosymshanyń jumysy tek maýsym aiynyń sońyna qarai iske qosylady dep kútilýde.
