ٸشكٸ ٸستەر مينيسترٸ ەرجان سەدەنوۆ رەسەيدە ەنگٸزٸلەتٸن جاڭا شەكارالىق تالاپتارعا بايلانىستى پٸكٸر بٸلدٸردٸ. بۇل ٶزگەرٸستەردٸ كەيبٸر باق "ۆيزا تەرتٸبٸ" دەپ اتاپ ٷلگەرگەن بولاتىن, دەپ حابارلايدى Dalanews.kz.
مەجٸلٸس كۋلۋارىندا جۋرناليستەر مينيستردەن قازاقستان رەسەي ازاماتتارىنا قاتىستى شارالار قابىلداي ما دەگەن سۇراق قويدى.
"شارالار قابىلدانىپ جاتىر. بٸز حالىقارالىق تەجٸريبەگە قاراپ وتىرمىز. ەڭ الدىمەن ۇلتتىق مٷددەلەر باسىم بولۋى كەرەك", – دەدٸ ەرجان سەدەنوۆ.
شەشٸم حالىقارالىق تەجٸريبە مەن زاڭ اياسىندا قابىلدانادى
مينيستردٸڭ ايتۋىنشا, قانداي دا بٸر شەشٸم قابىلدانار الدىندا ٶزگە ەلدەردٸڭ تەجٸريبەسٸ مەن قازاقستان زاڭناماسىنىڭ تالاپتارى ەسكەرٸلەدٸ.
"ەگەر شەتەلدٸك قازاقستانعا كەلگٸسٸ كەلسە – مارحابات, بٸراق ەلٸمٸزدٸڭ زاڭدارىنا سەيكەس بارلىق تالاپتاردى ورىنداۋى تيٸس. شەتەلدٸك ازاماتتىڭ ەلٸمٸزدە قاۋٸپسٸز جٷرۋٸ ٷشٸن بارلىق جاعداي جاسالعان. ارنايى قوسىمشالار بار, ولار جۇمىس ٸستەپ تۇر. بٸز دە ۇقساس شارالار قابىلدايمىز", – دەدٸ مينيستر.
ايتا كەتەيٸك, بۇعان دەيٸن رەسەي قازاقستانمەن اراداعى ۆيزاسىز قاتىناستى كٷرت قيىنداتقانىن جازعان ەدٸك.
ەندٸ جاڭا تەرتٸپكە سەيكەس, 2025 جىلدىڭ 30 ماۋسىمىنان باستاپ, قازاقستاندىقتار رەسەي اۋماعىنا كٸرۋ ٷشٸن الدىن الا تٸركەلٸپ, ارنايى QR-كود الۋى تيٸس بولادى. بۇل ٶزگەرٸس قازاقستاننان بٶلەك, ەزەربايجان, ارمەنييا, قىرعىزستان, تەجٸكستان, ٶزبەكستان سەكٸلدٸ ۆيزاسىز رەجيم تۋرالى كەلٸسٸم جاساعان ەلدەردٸڭ ازاماتتارىنا دا قاتىستى.
رەسەي ٷكٸمەتٸ قابىلداعان قاۋلى بويىنشا, قازاقستاندىقتار ەندٸ رەسەيگە جوسپارلانعان ساپارىنان كەم دەگەندە 72 ساعات بۇرىن ارنايى قوسىمشا ارقىلى تٸركەۋدەن ٶتٸپ, ساپار ماقساتى مەن مەرزٸمٸن, جەكە دەرەكتەرٸن, سونداي-اق فوتوسۋرەتتەرٸن ۇسىنۋى قاجەت. تٶتەنشە جاعدايدا (جاقىن تۋىسىنىڭ اۋىر سىرقاتى نەمەسە قايتىس بولۋى) بۇل مەرزٸم جولعا شىعارعا دەيٸنگٸ تٶرت ساعات بۇرىن ۋاقىتقا دەيٸن قىسقارتىلادى.
جاڭا تەرتٸپكە سەيكەس, تٸركەلۋ "مەملەكەتتٸك قىزمەتتەر RuID" اتتى موبيلدٸ قوسىمشاسى ارقىلى جٷزەگە اسىرىلماق. دەگەنمەن رەسەيلٸك اقپارات قۇرالدارىنىڭ دەرەگٸنشە, اتالعان قوسىمشا ەزٸرگە دايىن ەمەس. ساراپشىلاردىڭ پايىمىنشا, بۇل قوسىمشانىڭ جۇمىسى تەك ماۋسىم ايىنىڭ سوڭىنا قاراي ٸسكە قوسىلادى دەپ كٷتٸلۋدە.
