Tımýr Qulybaevtyń, Vladımır Kım jáne Oleg Novachýktyń kompanıalary jańadan qurylǵan Qazaqstan ınvestorlar odaǵyna endi. Bul týraly jýrnalıs Oleg Chervınskıı "Neft ı gaz Kazahstana. Fakty ı kommentarıı" atty Telegram arnasynda jazdy, dep habarlaıdy Dalanews.kz.
Atalǵan odaqqa mynandaı kompanıalar múshelikke syrttaı qabyldandy:
- KAZ Minerals Management (quryltaıshysy – KAZ Minerals Holding Limited, sońǵy egesi Vladımır Kım men Oleg Novachýk bolyp tabylady);
- "Kıpros" (quryltaıshysy - Tımýr Qulybaev);
- Halyk Bank (quryltaıshysy - Qulybaevtar baqylaıtyn "Almeks" holdıńtik toby);
- Petroretail - Qazaq Oil JQS jelisi (quryltaıshysy - ıesi Qulybaev bolyp tabylatyn Joint Technologies);
- "Kaspıı munaı "(quryltaıshysy - Joint Resources);
- PTC Holding (quryltaıshysy-Joint Technologies).
Qazaqstannyń ınvestorlar odaǵy jaqynda quryldy ári onyń áleýmettik jelide paraqshalary da bar. Odaqty qurý týraly ıdeıa 7 aqpanda prezıdent Qasym-Jomart Toqaevtyń iri bıznes ókilderimen kezdesýinen keıin jarıa boldy. Memleket basshysy olardyń serpindi jobalardy iske asyrýdaǵy jáne ekonomıka ósimindegi sheshýshi rólin atap ótti. Prezıdenttiń alǵa qoıǵan mindetterin iske asyrý úshin bıznes birigý týraly sheshim qabyldady.
Jańa odaq ekonomıkany damytýdyń jáne ınvestısıalyq klımatty jaqsartýdyń strategıalyq máselelerimen aınalysady. Ol "Atameken" UKP-nyń ornyn basatyn nemese onymen básekelesetin uıym bolmaıdy. Prezıdenttiń tapsyrmasy boıynsha, "Atameken" usaq jáne shaǵyn bıznesti qoldaýǵa basa nazar aýdara otyryp, transformasıalanýda. Investorlar odaǵynyń quryltaıshylary Kazenergy qaýymdastyǵy, Qazaqstan elektr energetıkalyq qaýymdastyǵy, Qazaqstannyń qurylys salýshylar qaýymdastyǵy bolyp tabylady. 2025 jyldyń sońyna deıin 100 orta jáne iri kompanıalar atalǵan odaqqa kiredi dep bajaılanady. Odan keıin bul san 500-ge jetýi tıis.
Odaqty qarjylandyrý erikti múshelik jarnalar esebinen júzege asyrylady. Odaq bıznes múddelerin tanytyp, sheshimderdi ázirleýge qatysady jáne ekonomıkalyq reformalarǵa járdemdesedi. Qazaqstan kásipkerleriniń quqyqtaryn qorǵaý jónindegi burynǵy ýákil Rýstam Júrsinov odaq basqarmasynyń tóraǵasy bolyp tabylady.
