Túrkistan oblysy aýmaǵynda 2025 jyldyń 6 aıynda 203 órt deregi tirkeldi. Tilsiz jaýdyń kesirinen jalpy quny 444 mln 403 myń teńge materıaldyq shyǵyn kelgen. Bul týraly oblystyq TJD Memlekettik órt baqylaý basqarmasy bastyǵynyń orynbasary Jasulan Aınabekov málimdedi.
– Bıylǵy jyldyń alǵashqy jartyjyldyǵynda tilsiz jaýdyń sebebinen 3 adam qaza taýyp, 4 adam jaraqat aldy. Departamentpen Memlekettik órt baqylaý salasynda oblys aýmaǵynda saýda salasyna tıesili 31 144 nysan esepke alynǵan. 2025 jylǵy josparǵa sáıkes 4 saýda nysany tekserilip 75 quqyqbuzýshylyq anyqtaldy. Bazar ıelerine kemshilikterdi joıý týraly nusqama berilip, oryndalýy baqylaýǵa alyndy.
Departamenttiń memlekettik ınspektorlarymen jáne jeke kásipkerlik nysandaryna belsendi túsindirý jumystaryn júrgizgenine qaramastan, bıylǵy jyly saýda oryndarynda órt qaýipsizdigi talaptarynyń saqtalmaýy sebepti 14 órt oryn alyp, órtten kelgen materıaldyq shyǵyn 143 mln. teńgeni qurady, – dep baıandady sala mamany.
