تۇركىستان وبلىسى اۋماعىندا 2025 جىلدىڭ 6 ايىندا 203 ءورت دەرەگى تىركەلدى. ءتىلسىز جاۋدىڭ كەسىرىنەن جالپى قۇنى 444 ملن 403 مىڭ تەڭگە ماتەريالدىق شىعىن كەلگەن. بۇل تۋرالى وبلىستىق تجد مەملەكەتتىك ءورت باقىلاۋ باسقارماسى باستىعىنىڭ ورىنباسارى جاسۇلان اينابەكوۆ مالىمدەدى.
– بيىلعى جىلدىڭ العاشقى جارتىجىلدىعىندا ءتىلسىز جاۋدىڭ سەبەبىنەن 3 ادام قازا تاۋىپ، 4 ادام جاراقات الدى. دەپارتامەنتپەن مەملەكەتتىك ءورت باقىلاۋ سالاسىندا وبلىس اۋماعىندا ساۋدا سالاسىنا تيەسىلى 31 144 نىسان ەسەپكە الىنعان. 2025 جىلعى جوسپارعا سايكەس 4 ساۋدا نىسانى تەكسەرىلىپ 75 قۇقىقبۇزۋشىلىق انىقتالدى. بازار يەلەرىنە كەمشىلىكتەردى جويۋ تۋرالى نۇسقاما بەرىلىپ، ورىندالۋى باقىلاۋعا الىندى.
دەپارتامەنتتىڭ مەملەكەتتىك ينسپەكتورلارىمەن جانە جەكە كاسىپكەرلىك نىساندارىنا بەلسەندى ءتۇسىندىرۋ جۇمىستارىن جۇرگىزگەنىنە قاراماستان، بيىلعى جىلى ساۋدا ورىندارىندا ءورت قاۋىپسىزدىگى تالاپتارىنىڭ ساقتالماۋى سەبەپتى 14 ءورت ورىن الىپ، ورتتەن كەلگەن ماتەريالدىق شىعىن 143 ملن. تەڭگەنى قۇرادى، – دەپ باياندادى سالا مامانى.
