Tabıǵatty qorǵaý prokýrorlary «TSHO» JSHS-ne 639,6 mln teńge kóleminde aıyppul saldy, dep habarlaıdy Dalanews.kz.
Mamandandyrylǵan tabıǵat qorǵaý prokýratýrasy atmosferalyq aýanyń lastanýyna qatysty ekologıalyq qaýipsizdik máseleleri boıynsha taldaý júrgizip, birqatar óreskel zań buzýshylyqtardy anyqtady.
Atap aıtqanda, «Teńizshevroıl» JSHS 2023 jyldyń 3 jáne 4 toqsanynda, sondaı-aq 2024 jyldyń 1 jáne 2 toqsanynda atmosferaǵa ekologıalyq ruqsat etilgen normalardan tys 49,3 tonna lastaýshy zattardy shyǵarǵan.
Onyń ishinde 4,9 tonna lastaýshy zat qorshaǵan ortaǵa arnaıy ruqsatsyz tastalǵany anyqtaldy.
Osyǵan baılanysty, «Teńizshevroıl» JSHS-ne qatysty prokýrordyń qaýlysymen ákimshilik is qozǵalyp, sotpen 639,6 mln teńge kóleminde aıyppul salyndy. Bul sheshim zańdy kúshine endi.
Aımaqta atmosferalyq aýanyń lastanýy – ózekti máselelerdiń biri bolyp tabylady jáne bul baǵyttaǵy qadaǵalaý jumystaryn prokýratýra turaqty túrde júzege asyryp keledi.
