Mańǵystaý oblysyndaǵy Shetpe aýylynda tolassyz jaýǵan nóser jaýyn saldarynan sý tasqyny bolyp, eldi meken zardap shekti,- dep habarlaidy Dalanews.kz KTK arnasyna silteme jasap.
Jaýyn saldarynan kóshelerdi jáne 14 úidiń aýlasyn sý basty. Keibir turǵyndardy evakýatsiialaýǵa týra kelgen.
Apattan keiin tótenshe jaǵdailar departamenti men jergilikti ákimdik sý tasqynynyń saldaryn joiý jumystaryna kiristi. Jańbyr birneshe saǵat boiy tolassyz jaýǵan. Nátijesinde jinalǵan sý laimen aralasyp, aýyl ishine tasqyn bolyp jaiylyp, joldardy basyp qalǵan.
Temirjol ótkeli ýaqytsha jabyldy. Keibir jerlerde qorshaýlar men daladaǵy ájethanalardy sý aǵyzyp áketken. Aýyr zardaptar men adam shyǵyny tirkelgen joq. Barlyǵy 9 adam evakýatsiialanyp, týystarynyń úiine ýaqytsha ornalastyryldy.
Turǵyndardyń sózinshe, mundai tabiǵi apat buryn-sońdy bolmaǵan. Qazirgi ýaqytta jergilikti qutqarýshylar men kommýnaldyq qyzmet ókilderi kórshiles aýyldardan qosymsha kúsh shaqyrtyp, apat saldaryn joiýǵa kúsh salyp jatyr.
