ماڭعىستاۋ وبلىسىنداعى شەتپە اۋىلىندا تولاسسىز جاۋعان نٶسەر جاۋىن سالدارىنان سۋ تاسقىنى بولىپ, ەلدٸ مەكەن زارداپ شەكتٸ,- دەپ حابارلايدى Dalanews.kz كتك ارناسىنا سٸلتەمە جاساپ.
جاۋىن سالدارىنان كٶشەلەردٸ جەنە 14 ٷيدٸڭ اۋلاسىن سۋ باستى. كەيبٸر تۇرعىنداردى ەۆاكۋاتسييالاۋعا تۋرا كەلگەن.
اپاتتان كەيٸن تٶتەنشە جاعدايلار دەپارتامەنتٸ مەن جەرگٸلٸكتٸ ەكٸمدٸك سۋ تاسقىنىنىڭ سالدارىن جويۋ جۇمىستارىنا كٸرٸستٸ. جاڭبىر بٸرنەشە ساعات بويى تولاسسىز جاۋعان. نەتيجەسٸندە جينالعان سۋ لايمەن ارالاسىپ, اۋىل ٸشٸنە تاسقىن بولىپ جايىلىپ, جولداردى باسىپ قالعان.
تەمٸرجول ٶتكەلٸ ۋاقىتشا جابىلدى. كەيبٸر جەرلەردە قورشاۋلار مەن دالاداعى ەجەتحانالاردى سۋ اعىزىپ ەكەتكەن. اۋىر زارداپتار مەن ادام شىعىنى تٸركەلگەن جوق. بارلىعى 9 ادام ەۆاكۋاتسييالانىپ, تۋىستارىنىڭ ٷيٸنە ۋاقىتشا ورنالاستىرىلدى.
تۇرعىنداردىڭ سٶزٸنشە, مۇنداي تابيعي اپات بۇرىن-سوڭدى بولماعان. قازٸرگٸ ۋاقىتتا جەرگٸلٸكتٸ قۇتقارۋشىلار مەن كوممۋنالدىق قىزمەت ٶكٸلدەرٸ كٶرشٸلەس اۋىلداردان قوسىمشا كٷش شاقىرتىپ, اپات سالدارىن جويۋعا كٷش سالىپ جاتىر.
