Shymkentte júrgizýshi kýálikterin zańsyz berý shemasy áshkerelendi, dep habarlaidy Dalanews.kz.
Qala prokýratýrasynyń úilestirýimen Shymkent qalasy boiynsha Qarjy monitoringi agenttiginiń departamenti júrgizýshi kýálikterin zańsyz rásimdeýmen ainalysqan uiymdasqan qylmystyq toptyń jolyn kesti.
2023–2024 jyldary «Azamattarǵa arnalǵan úkimet» KEAQ-nyń №2 mamandandyrylǵan HQKO basshylyǵy men qyzmetkerleri teoriialyq jáne praktikalyq emtihandarsyz júrgizýshi kýálikterin rásimdeýge jaǵdai jasaǵan.
Mundai «qyzmettiń» quny 150 myńnan 400 myń teńgege deiin jetken.
Nátijesinde keminde 500 adam júrgizýshi kýáligin zańsyz alǵan. Qylmystyq toptyń tabysy 150 million teńgeden asqan.
Tergeý barysynda kúdiktilerdiń 200 million teńgeden astam múlkine tyiym salyndy.
Is boiynsha 15 tulǵa aiyptalýshy dep tanylǵan. Tergeý aiaqtalyp, materialdar sotqa joldandy.
