شىمكەنتتە جٷرگٸزۋشٸ كۋەلٸكتەرٸن زاڭسىز بەرۋ سحەماسى ەشكەرەلەندٸ, دەپ حابارلايدى Dalanews.kz.
قالا پروكۋراتۋراسىنىڭ ٷيلەستٸرۋٸمەن شىمكەنت قالاسى بويىنشا قارجى مونيتورينگٸ اگەنتتٸگٸنٸڭ دەپارتامەنتٸ جٷرگٸزۋشٸ كۋەلٸكتەرٸن زاڭسىز رەسٸمدەۋمەن اينالىسقان ۇيىمداسقان قىلمىستىق توپتىڭ جولىن كەستٸ.
2023–2024 جىلدارى «ازاماتتارعا ارنالعان ٷكٸمەت» كەاق-نىڭ №2 مامانداندىرىلعان حقكو باسشىلىعى مەن قىزمەتكەرلەرٸ تەورييالىق جەنە پراكتيكالىق ەمتيحاندارسىز جٷرگٸزۋشٸ كۋەلٸكتەرٸن رەسٸمدەۋگە جاعداي جاساعان.
مۇنداي «قىزمەتتٸڭ» قۇنى 150 مىڭنان 400 مىڭ تەڭگەگە دەيٸن جەتكەن.
نەتيجەسٸندە كەمٸندە 500 ادام جٷرگٸزۋشٸ كۋەلٸگٸن زاڭسىز العان. قىلمىستىق توپتىڭ تابىسى 150 ميلليون تەڭگەدەن اسقان.
تەرگەۋ بارىسىندا كٷدٸكتٸلەردٸڭ 200 ميلليون تەڭگەدەن استام مٷلكٸنە تىيىم سالىندى.
ٸس بويىنشا 15 تۇلعا ايىپتالۋشى دەپ تانىلعان. تەرگەۋ اياقتالىپ, ماتەريالدار سوتقا جولداندى.
