"Taza Qazaqstan" ekologiialyq aktsiiasy jáne "Zań jáne Tártip" qaǵidatyn iske asyrý aiasynda Túrkistan oblysy politsiia departamentiniń qyzmetkerleri kópshilik oryndardy abattandyrý jáne lastaý erejelerin buzýdyń aldyn alý boiynsha profilaktikalyq jumystardy jalǵastyrýda,- dep habarlaidy Dalanews.kz
Qoǵamdyq tártipti qamtamasyz etý jáne quqyq buzýshylyqtardyń aldyn alý maqsatynda júrgizilgen sharany politseiler jergilikti atqarýshy organdarmen birlesip ótkizdi. Atalǵan shara qoǵamdyq oryndarda jáne demalys aimaqtarynda reidtik shara júrgizýge ulasty. Sondai-aq tártip saqshylary turǵyndarǵa ekologiialyq normalardy saqtaýdyń mańyzdylyǵyn, abattandyrý erejelerin buzýǵa jol bermeýdi jáne qoqysty tek arnaiy belgilengen oryndarda tastaý qajettigin eske salady.
Oblys aýmaǵynda "Taza Qazaqstan" ekologiialyq aktsiiasyn ótkizý kezinde politsiia qyzmetkerleri barlyǵy 17 myńnan astam quqyqbuzýshylyqty, onyń ishinde jalpy paidalaný oryndarynyń lastanýyna bailanysty 13 myńnan astam faktini jáne abattandyrý erejelerin buzýdyń 4,3 myńǵa jýyq deregin anyqtady.
Óz kezeginde politseiler azamattardy zań sheńberinde áreket etip, qorshaǵan tabiǵatty qorǵaýǵa jáne tazalyq pen tártipke úles qosýǵa shaqyrady. Kez – kelgen quqyq buzýshylyqqa "nóldik tózimdilik" - bul qoǵamdyq qaýipsizdikti nyǵaitýǵa jáne jaily orta qurýǵa baǵyttalǵan mańyzdy qadam.
