Timýr Qulybaevtyń, Vladimir Kim jáne Oleg Novachýktyń kompaniialary jańadan qurylǵan Qazaqstan investorlar odaǵyna endi. Bul týraly jýrnalist Oleg Chervinskii "Neft i gaz Kazahstana. Fakty i kommentarii" atty Telegram arnasynda jazdy, dep habarlaidy Dalanews.kz.
Atalǵan odaqqa mynandai kompaniialar múshelikke syrttai qabyldandy:
- KAZ Minerals Management (quryltaishysy – KAZ Minerals Holding Limited, sońǵy egesi Vladimir Kim men Oleg Novachýk bolyp tabylady);
- "Kipros" (quryltaishysy - Timýr Qulybaev);
- Halyk Bank (quryltaishysy - Qulybaevtar baqylaityn "Almeks" holdingtik toby);
- Petroretail - Qazaq Oil JQS jelisi (quryltaishysy - iesi Qulybaev bolyp tabylatyn Joint Technologies);
- "Kaspii munai "(quryltaishysy - Joint Resources);
- PTC Holding (quryltaishysy-Joint Technologies).
Qazaqstannyń investorlar odaǵy jaqynda quryldy ári onyń áleýmettik jelide paraqshalary da bar. Odaqty qurý týraly ideia 7 aqpanda prezident Qasym-Jomart Toqaevtyń iri biznes ókilderimen kezdesýinen keiin jariia boldy. Memleket basshysy olardyń serpindi jobalardy iske asyrýdaǵy jáne ekonomika ósimindegi sheshýshi rólin atap ótti. Prezidenttiń alǵa qoiǵan mindetterin iske asyrý úshin biznes birigý týraly sheshim qabyldady.
Jańa odaq ekonomikany damytýdyń jáne investitsiialyq klimatty jaqsartýdyń strategiialyq máselelerimen ainalysady. Ol "Atameken" UKP-nyń ornyn basatyn nemese onymen básekelesetin uiym bolmaidy. Prezidenttiń tapsyrmasy boiynsha, "Atameken" usaq jáne shaǵyn biznesti qoldaýǵa basa nazar aýdara otyryp, transformatsiialanýda. Investorlar odaǵynyń quryltaishylary Kazenergy qaýymdastyǵy, Qazaqstan elektr energetikalyq qaýymdastyǵy, Qazaqstannyń qurylys salýshylar qaýymdastyǵy bolyp tabylady. 2025 jyldyń sońyna deiin 100 orta jáne iri kompaniialar atalǵan odaqqa kiredi dep bajailanady. Odan keiin bul san 500-ge jetýi tiis.
Odaqty qarjylandyrý erikti múshelik jarnalar esebinen júzege asyrylady. Odaq biznes múddelerin tanytyp, sheshimderdi ázirleýge qatysady jáne ekonomikalyq reformalarǵa járdemdesedi. Qazaqstan kásipkerleriniń quqyqtaryn qorǵaý jónindegi burynǵy ýákil Rýstam Júrsinov odaq basqarmasynyń tóraǵasy bolyp tabylady.
