Parlament palatalarynyń birlesken otyrysynda premer-ministr Oljas Bektenov depýtattardyń suraqtaryna jaýap berdi, dep habarlaidy dalanews.kz.
Turaqty ekonomikalyq ósimge qaramastan, byltyr elimiz infliatsiialyq qysym joǵarylaýymen betpe-bet kelgen. Úkimettiń, Ulttyq banktiń jáne basqa da memlekettik organdardyń birlesken jumysynyń nátijesinde infliatsiia birtindep baiaýlaǵan.
"Byltyr qyrkúiekte infliatsiia 12,9%-ǵa jetti. Qazir Úkimet, Ulttyq bank jáne basqa da múddeli qurylymdar qabyldap jatqan sharalardyń nátijesinde bes aida infliatsiia kórsetkishi 10,4%-ǵa deiin tómendedi. Biz qabyldaǵan sharalardyń qorytyndysy boiynsha jaqyn arada infliatsiiany 10%-dan tómen túsirýdi josparlap otyrmyz", - dedi ol.
Sonymen qatar, byltyr infliatsiia halyqtyń tabys deńgeiine áser etken.
"Keibir salalarda oń dinamika bar. Halyqtyń naqty tabysynyń kórsetkishteri ekonomikanyń búkil salasynda ósýi úshin barlyq sharany qabyldaimyz", - dedi premer-ministr.
