Eńbek jáne halyqty áleýmettik qorǵaý ministrligi Biryńǵai jinaqtaýshy zeinetaqy qoryndaǵy (BJZQ) jinaqty merziminen buryn alýǵa qoiylatyn shektiń ne sebepti kóterilgenin túsindirdi, dep habarlaidy dalanews.kz.
Eńbek jáne halyqty áleýmettik qorǵaý birinshi vitse-ministri Erbol Tuiaqbaevtyń aitýynsha, memleket jastardyń zeinetaqy jinaǵyn erte jumsap qoiýyna alańdaidy.
«Bizdiń basty maqsatymyz ne boldy? Biz zeinetaqy shottarynan alynǵan qarajattyń kólemin kórdik – bul 5,8 trillion teńge. Onyń basym bóligi, óte úlken bóligi – 35 jasqa deiingi jastar. Al bul qarajattyń negizgi paidalanylý baǵyty – turǵyn úi qajettiligi. Sondyqtan biz jastardyń annýitet jasyna deiin eńbek etip, tabys taýyp, zeinetaqy jinaǵyn qartaiǵan shaǵynda paidalanǵanyn qalaimyz, dál qazir emes», – dedi Erbol Tuiaqbaev Senat kýlýarynda.
Vitse-ministrdiń pikirinshe, eńbekke qabiletti azamattar baspana máselesin qoldanystaǵy ipotekalyq baǵdarlamalar arqyly sheship, zeinetaqy jinaǵyn bolashaqqa saqtaǵany durys.
Onyń aitýynsha, mundai tásil qazaqstandyqtardyń qartaiǵan kezdegi qarjylyq turaqtylyǵyn qamtamasyz etýge múmkindik beredi.
