Dollar baǵamyna qatysty 26 maýsymǵa arnalǵan boljam jariialandy. AQSh valiýtasynyń baǵasy 470-480 teńge aralyǵynda bolýy yqtimal, dep habarlaidy dalanews.kz.
Sarapshy Aibar Oljaev bul aralyqty negizgi stsenarii dep baǵalaidy. Onyń aitýynsha, qazirgi syrtqy jáne ishki ekonomikalyq jaǵdailar teńge osy aralyqta saýdalanýyna múmkindik berip otyr.
Teńgeniń turaqtylyǵyna munai baǵasynyń joǵary deńgeide saqtalýy oń áser etip jatyr. Bul Qazaqstannyń eksporttan túsetin tabysyn arttyryp, ulttyq valiýtaǵa qoldaý kórsetedi.
Sonymen qatar, dollar indeksiniń ózgerisi de mańyzdy ról atqarady. AQSh ekonomikasyndaǵy kórsetkishter men Federaldyq rezerv júiesiniń paiyzdyq mólsherlemege qatysty sheshimderi dollar baǵamynyń ainalymyna yqpal etýi múmkin.
Ishki naryqta importtaýshylar men kásipkerler tarapynan shetel valiýtasyna suranys saqtalyp otyr. Buǵan qosa, biýdjet pen salyq tólemderi kezeńi jaqyndaýy valiýta naryǵyndaǵy belsendilikke áser etýi yqtimal. Qajet bolǵan jaǵdaida Ulttyq bank teńge baǵamyn turaqtandyrý úshin naryqqa aralasýy múmkin.
Aibar Oljaevtyń aitýynsha, teńge úshin basty táýekelderdiń biri - munai baǵasy tómendeýi, dollar álemdik naryqtaǵy nyǵaiýy. Al negizgi qoldaý faktory - munai eksportynan túsetin kiris pen ishki naryqtaǵy ekonomikalyq belsendilik.
