Aýyl sharýashylyǵy ministri Aidarbek Saparov Prezident Qasym-Jomart Toqaevtyń Ankaraǵa resmi sapary aiasynda túrik biznes ókilderimen kelissózderdiń nátijeleri men ýaǵdalastyqtar týraly pikir bildirdi, dep habarlaidy Dalanews.kz.
"Qazaqstan men Túrkiianyń yntymaqtastyǵy jyldan jylǵa nyǵaiyp keledi. Eki el arasyndaǵy taýarainalym 30 mln dollardy qurady. Biz bul baǵyttaǵy jumysty kúsheitip, ary qarai jalǵastyramyz. Bizde áli rezerv bar", - dedi QR Aýylsharýashylyǵy ministri Aidarbek Saparov.
Onyń aitýynsha, 2018 jyldan beri eki el arasynda 23 investitsiialyq joba qolǵa alynǵan. Búginderi sonyń 18-i iske qosylǵan, beseýimen jumystar áli júrip jatyr.
"Al bireýi boiynsha búgin talqy júrdi. Qazaqstan - bidai eksporttaýshy el. Biz Tiryaki Holding ókilerimen kezdesip, kelisimge qol qoiystyq. Bul arada bidaidy tereń óńdeý zaýyty týraly sóz bolyp otyr. Astanadan zaýyt ashý jospary bar. Oǵan 160 mlrd teńge investitsiia salynbaq. Birinshi kezeńde - 110 mlrd teńge, ekinshi kezeńde - 50 mlrd teńge. Munda burshaq ónimderin tereń óńdeý de júrgiziledi. Bul - óte mańyzdy joba. Bizde Soltústik Qazaqsan oblysynda mundai bir-aq zaýyt bar. Bul ekinshisi bolady. Alda Aqmola men Qostanai oblystarynda da osyndai zaýyt salý josparda bar", - deidi ministr.
Bul rette saitymyzda "Bairaqtar VS BTJ. Shýsha kompensatsiiasy nemese shildedegi Bosfor joryǵynyń shyn maqsaty nede?" degen maqala jariialanǵan bolatyn.
