اۋىل شارۋاشىلىعى مينيسترٸ ايداربەك ساپاروۆ پرەزيدەنت قاسىم-جومارت توقاەۆتىڭ انكاراعا رەسمي ساپارى اياسىندا تٷرٸك بيزنەس ٶكٸلدەرٸمەن كەلٸسسٶزدەردٸڭ نەتيجەلەرٸ مەن ۋاعدالاستىقتار تۋرالى پٸكٸر بٸلدٸردٸ, دەپ حابارلايدى Dalanews.kz.
"قازاقستان مەن تٷركييانىڭ ىنتىماقتاستىعى جىلدان جىلعا نىعايىپ كەلەدٸ. ەكٸ ەل اراسىنداعى تاۋاراينالىم 30 ملن دوللاردى قۇرادى. بٸز بۇل باعىتتاعى جۇمىستى كٷشەيتٸپ, ارى قاراي جالعاستىرامىز. بٸزدە ەلٸ رەزەرۆ بار", - دەدٸ قر اۋىلشارۋاشىلىعى مينيسترٸ ايداربەك ساپاروۆ.
ونىڭ ايتۋىنشا, 2018 جىلدان بەرٸ ەكٸ ەل اراسىندا 23 ينۆەستيتسييالىق جوبا قولعا الىنعان. بٷگٸندەرٸ سونىڭ 18-ٸ ٸسكە قوسىلعان, بەسەۋٸمەن جۇمىستار ەلٸ جٷرٸپ جاتىر.
"ال بٸرەۋٸ بويىنشا بٷگٸن تالقى جٷردٸ. قازاقستان - بيداي ەكسپورتتاۋشى ەل. بٸز Tiryaki Holding ٶكٸلەرٸمەن كەزدەسٸپ, كەلٸسٸمگە قول قويىستىق. بۇل ارادا بيدايدى تەرەڭ ٶڭدەۋ زاۋىتى تۋرالى سٶز بولىپ وتىر. استانادان زاۋىت اشۋ جوسپارى بار. وعان 160 ملرد تەڭگە ينۆەستيتسييا سالىنباق. بٸرٸنشٸ كەزەڭدە - 110 ملرد تەڭگە, ەكٸنشٸ كەزەڭدە - 50 ملرد تەڭگە. مۇندا بۇرشاق ٶنٸمدەرٸن تەرەڭ ٶڭدەۋ دە جٷرگٸزٸلەدٸ. بۇل - ٶتە ماڭىزدى جوبا. بٸزدە سولتٷستٸك قازاقسان وبلىسىندا مۇنداي بٸر-اق زاۋىت بار. بۇل ەكٸنشٸسٸ بولادى. الدا اقمولا مەن قوستاناي وبلىستارىندا دا وسىنداي زاۋىت سالۋ جوسپاردا بار", - دەيدٸ مينيستر.
بۇل رەتتە سايتىمىزدا "بايراقتار VS بتج. شۋشا كومپەنساتسيياسى نەمەسە شٸلدەدەگٸ بوسفور جورىعىنىڭ شىن ماقساتى نەدە?" دەگەن ماقالا جارييالانعان بولاتىن.
