تانىمال ەنشٸ روزا رىمباەۆا قازاقستاننىڭ تۇڭعىش پرەزيدەنتٸ نۇرسۇلتان نازارباەۆپەن بولعان كەزدەسۋٸ تۋرالى ايتىپ بەردٸ, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
ٶنەر يەسٸنٸڭ سٶزٸنشە, بۇل وقيعا شامامەن 25 جىل بۇرىن بولعان. سول كەزدە ونىڭ ساحناداعى شىعارماشىلىق جولىنا 25 جىل تولىپ, ول ارنايى شاقىرتۋمەن ەكس-پرەزيدەنتتٸڭ قابىلداۋىنا بارعان.
"بٸر جىلدارى مەنٸ نۇرسۇلتان نازارباەۆ مەنٸ قابىلدادى. ول كەزدە ساحنادا جٷرگەنٸمە 25 جىل تولعان ەدٸ. مەن سول كەزدە شاقىرتۋمەن باردىم. مەن سول كەزدە: "اعا, مەن سٸزدٸ كونتسەرتٸمە شاقىرامىن. كەلٸپ ارنايى قوناق بولىڭىز", – دەدٸم. جولداسىم تاسقىننىڭ قازاسىنان كەيٸن قاتتى ەسەڭگٸرەپ قالعام. ول مەنٸ قولداۋ ٷشٸن كونتسەرتٸمە كەلدٸ. سول كەزدەرٸ نۇرسۇلتان نازارباەۆ: "روزا, نە كەرەك? قانداي كٶمەك قاجەت?" – دەپ سۇرادى. ال مەن بولسام "ٷيٸم كٸشكەنتاي, اياداي ٷيدە تۇرامىن, جاعدايىمىز مەز ەمەس" دەپ ايتۋعا ارلاندىم. ونىڭ ورنىنا "اعا, مەندە بٸردٸ-ەكٸلٸ مەسەلەم بولسا, ەكٸمدٸككە ايتارمىن" دەپ جاۋاپ بەردٸم. مەن ەشتەڭە سۇرامادىم. ول ماعان العىسىن ايتتى, راۋشان گٷلدەرٸن سىيلادى", – دەدٸ روزا رىمباەۆا.
