Qazaqstanda ár tórtinshi adam zeinetaqysyz qalý qaýpinde tur, dep habarlaidy Dalanews.kz.
Ekonomist Aman Álimbaevtyń aitýynsha, eldegi ekonomikalyq belsendi azamattardyń 24 paiyzy – ózin-ózi jumyspen qamtyǵandar men jeke kásipkerler. Alaida olardyń basym bóligi zeinetaqy jarnalaryn múlde tólemeidi nemese eń tómengi mólsherde ǵana aýdarady. Bul bolashaqta qarjylyq qiyndyqtarǵa ákelýi múmkin.
"2025 jyldyń shildesindegi málimetke súiensek, ekonomikalyq belsendi halyqtyń tórtten biri – ózin-ózi jumyspen qamtyǵandar men jeke kásipkerler. Kópshiligi zeinetaqy qoryna turaqty jarna aýdarmaidy, tipti eń tómengi bazalyq zeinetaqyǵa da qol jetkizýi qiyn. 50–60 jasqa kelgende mundai olqylyqtyń ornyn toltyrý – ári ýaqyt, ári qarajat jaǵynan kúrdeli.
Keibireýler tek aiyppul almaý úshin az mólsherde tóleidi, al keibiri aýdarym arqyly jumys istep, múlde jarna aýdarmaidy. Mundai adamdardyń sany myńdap sanalady. Nátijesinde qartaiǵanda kedeilik qaýpi joǵary bolady", – deidi ekonomist.
