قازاقستاندا ءار ءتورتىنشى ادام زەينەتاقىسىز قالۋ قاۋپىندە تۇر، دەپ حابارلايدى Dalanews.kz.
ەكونوميست امان الىمبايەۆتىڭ ايتۋىنشا، ەلدەگى ەكونوميكالىق بەلسەندى ازاماتتاردىڭ 24 پايىزى – ءوزىن-وزى جۇمىسپەن قامتىعاندار مەن جەكە كاسىپكەرلەر. الايدا ولاردىڭ باسىم بولىگى زەينەتاقى جارنالارىن مۇلدە تولەمەيدى نەمەسە ەڭ تومەنگى مولشەردە عانا اۋدارادى. بۇل بولاشاقتا قارجىلىق قيىندىقتارعا اكەلۋى مۇمكىن.
"2025 جىلدىڭ شىلدەسىندەگى مالىمەتكە سۇيەنسەك، ەكونوميكالىق بەلسەندى حالىقتىڭ تورتتەن ءبىرى – ءوزىن-وزى جۇمىسپەن قامتىعاندار مەن جەكە كاسىپكەرلەر. كوپشىلىگى زەينەتاقى قورىنا تۇراقتى جارنا اۋدارمايدى، ءتىپتى ەڭ تومەنگى بازالىق زەينەتاقىعا دا قول جەتكىزۋى قيىن. 50–60 جاسقا كەلگەندە مۇنداي ولقىلىقتىڭ ورنىن تولتىرۋ – ءارى ۋاقىت، ءارى قاراجات جاعىنان كۇردەلى.
كەيبىرەۋلەر تەك ايىپپۇل الماۋ ءۇشىن از مولشەردە تولەيدى، ال كەيبىرى اۋدارىم ارقىلى جۇمىس ىستەپ، مۇلدە جارنا اۋدارمايدى. مۇنداي ادامداردىڭ سانى مىڭداپ سانالادى. ناتيجەسىندە قارتايعاندا كەدەيلىك ءقاۋپى جوعارى بولادى"، – دەيدى ەكونوميست.
