Aǵymdaǵy jyldyń birinshi jartyjyldyǵynda Abai oblysynyń Saýda jáne tutynýshylardyń quqyqtaryn qorǵaý departamentine 544 ótinish tústi. Ótken jylmen salystyrǵanda kórsetkish 80%-ǵa kóp. Alty aidyń ishinde tutynýshylarǵa 24 million teńgeden astam qarajat qaitaryldy. Bul týraly Óńirlik kommýnikatsiialar qyzmetinde ótken baspasóz máslihatynda Departament basshysynyń orynbasary Karina Taikenova málimdedi,- dep habarlaidy Dalanews.kz
Eń kóp qarajat 17,5 million teńge sapasyz avtokólik úshin qaitarylǵan. Avtosalonnan satyp alynǵan kóliktiń syrtqy boiaýynda aqaýlar anyqtalǵanymen, satýshy aqshany qaitarýdan bas tartqan. Alaida azamat Departamentke júginip, satýshymen birlesip júrgizilgen jumys nátijesinde kelisimshart buzylyp, barlyq qarajat tolyqtai qaitarylǵan.
- Tutynýshyǵa zańgerlik qoldaý kórsetilip, keńes berildi. Sondai-aq sotqa deiingi shaǵym daiyndaýǵa kómek kórsetildi. Osyndai azamattardyń quqyqtaryn qorǵaý júiesiniń tiimdi ári durys jumys isteýiniń naqty mysaldary jeterlik, — dedi Karina Taikenova.
Jalpy ótinishterdiń basym bóligi 343 ótinish jeke saýda salasyna tiesili. Ekinshi orynda turmystyq qyzmetter boiynsha 107 ótinish bolsa, úshinshi orynda elektrondyq saýda salasynan 40 ótinish tirkelgen. Kóp jaǵdaida azamattar sapasyz taýarlar men qyzmetterge, sondai-aq satýshylardyń aqshany qaitarýdan bas tartýyna shaǵymdanady.
- Zań boiynsha tutynýshy sapaly taýardy da qaitarýǵa quqyly. Al eger taýarda aqaýlar anyqtalsa, satyp alýshynyń ony jóndetýden bastap kelisimshartty buzýǵa deiin birneshe quqyǵy bar, — dep atap ótti spiker.
Departament áleýmettik mańyzy bar taýarlardyń baǵasyn da qadaǵalaidy. Jyl basynan beri 101 saýda orny tekserilip, onyń nátijesinde 98 kásipkerge 705 myń teńge kóleminde aiyppul salyndy. Buzýshylyqtardyń kópshiligi saýda ústemesin shekten tys arttyrý jáne baǵalardyń kórsetilmeýimen bailanysty.
Spikerdiń aitýynsha, aǵartýshylyq jumysqa da erekshe nazar aýdarylýda: áleýmettik jelilerde 330-dan astam jazba jariialanyp, óńirlik buqaralyq aqparat quraldarynda 47 material jaryq kórgen. Sonymen qatar, turaqty túrde «Ashyq esik kúnderi», brifingter men azamattardy qabyldaý sharalary ótkizilip keledi.
Jańa baǵyttardyń biri — sapasyz ónimderden naryqty qorǵaý jáne otandyq óndirýshilerdi qoldaý maqsatynda júzege asyrylyp jatqan «Sapaly ónim» jobasy. Bul bastama aiasynda Departament mamandary ónim úlgilerin alyp, olardy zerthanalyq tekserýge jiberedi. Nátijesinde 24 zańbuzýshylyq anyqtalyp, sonyń tórteýine 600 myń teńgege jýyq aiyppul salynǵan.
