Qarjy ministrligi jartyjyldyqta 310 mlrd teńge kólemindegi zańbuzýshylyqty anyqtady, dep habarlaidy Dalanews.kz.
2025 jyldyń alǵashqy jartyjyldyǵynda QR Qarjy ministrligi Ishki memlekettik aýdit komiteti (IMAK) qarjylyq zańbuzýshylyqtardyń aldyn alý baǵytynda aýqymdy jumys júrgizdi. Alty aidaǵy nátijeler týraly Qarjy vitse-ministri Dáýren Keńbeil men komitet tóraǵasy Erjan Myńjasarovtyń tóraǵalyǵymen ótken keńeitilgen alqa otyrysynda aityldy.
"Aýdit nátijesinde 310,6 mlrd teńge mólsherindegi zańbuzýshylyqtar men 1699 kemshilik anyqtaldy", - dep jazylǵan habarlamada.
Qashyqtan taldaý nátijesinde zańsyz tólemder somasy 950,3 million teńgege jetkeni anyqtaldy.
"Sonymen qatar, aýditorlar 2026–2028 jyldarǵa arnalǵan memlekettik biýdjetti ázirleý protsesin jan-jaqty taldady. Tekserý barysynda jalpy somasy shamamen 860 milliard teńgege jetetin biýdjettik suraý sapasyz jasalǵany anyqtaldy",- dep jazylǵan habarlamada.
